Нигерчүүд Ареваг эсэргүүцэн жагсаж байна
Posted: 2013/10/17 Filed under: Нигер/ Конго-- Африк, Уран ба АЦС-ын аюул | Tags: Арева, Уран олборлолт, Эрүүл мэнд Leave a comment
2013-10-12. Agence France-Presse (AFP) Францын мэдээний агентлаг.
Бямба гаригт хэдэн мянган Нигер иргэд Францын цөмийн Арева компанийг эсэргүүцэн жагсчээ. Арева компани нь нэн ядуу Нигер улсад сүүлийн 50 жил уран олборлож ирсэн юм.
Жагсаалд оролцсон 5,000 орчим иргэд Нигерийн засгийн газраас Ареватай ураны асуудлаар тусгайлан ярилцах явдлыг дэмжин цугларчээ. Жагсаалд 5 мянган хүн оролцсон гэдгийг бусад эх сурвалжууд ч баталж байна.
Шинзо Абэ цацрагт ялагдсанаа хүлээн зөвшөөрөв
Posted: 2013/10/15 Filed under: Уран ба АЦС-ын аюул, Япон, Фукушима | Tags: Фукушима Дайичи АЦС, Цөмийн хаягдал 2 CommentsЯпоны үе үеийн удирдагчид буюу ерөнхий сайд асан Жуничиро Койзуми, Наото Кан нар цөмийн эрчим хүчээс татгалзахыг уриалж (1), “АЦС хүн төрөлхтөн хоёр зэрэгцэн орших боломжгүй” (2) гэж мэдэгдэх болсон. Саяхан Шинзо Абэ ч бас тэдний эгнээнд нэгдэхээр сэтгэл шулуудаж эхэлжээ.
2011 оны 3 сарын 11-ний Фукушимагийн осол нь Чернобылээс хойш тохиолдсон, манай гаригийн хамгийн том, хамгийн ноцтой цөмийн гамшиг билээ. Гэвч Японы засгийн газар дээрх мэдэгдлийг хүлээн зөвшөөрөхөд бүхэл бүтэн 2.5 жил шаардагджээ.
Read the rest of this entry »
Фукушима ба цөмийн далан худалчууд
Posted: 2013/10/08 Filed under: Видео, Япон, Фукушима | Tags: Фукушима Дайичи АЦС 1 CommentБаримтат сурвалжлагыг бэлтгэсэн сурвалжлагч Йоханнес Хано.
Германы ЗДФ ТВ-ийн сурвалжлагч Японы цөмийн эрчим хүчний салбарт үүрлэсэн гэмт хэрэгтнүүд, тэдний хэрсэн худал хуурмагийн сүлжээ, гэмт хуйвалдааны тухай эрэн сурвалжилжээ.
Фукушимад гарсан аймшигт ослын шалтгаaн нь зөвхөн “газар хөдлөлт, цунами” байсангүй. Мэргэжлийн хүмүүс цөмийн реакторын аюулгүй ажиллагаан дахь зөрчлүүдийг илрүүлж, олон жилийн туршид анхааруулж байсан ч тэдний үгийг тоож авах эрх мэдэлтэн олдоогүй ажээ. Read the rest of this entry »
МОНГОЛ УЛСЫН ЕРӨНХИЙЛӨГЧ, УИХ-ИЙН ДАРГА, ГИШҮҮД, ЗАСГИЙН ГАЗРЫН ДАРГА, ТЭРГҮҮН НАРТ ХАНДАН МЭДЭГДЭЛ, ШААРДЛАГА ХҮРГҮҮЛЭХ НЬ
Posted: 2013/10/04 Filed under: Цөмийн хаягдал, цөмийн аюул Leave a commentМонгол Улсын иргэнд эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах, итгэл үнэмшилтэй байх, үзэл бодлоо чөлөөтэй илэрхийлэх, үг хэлэх, хэвлэн нийтлэх, тайван жагсаал цуглаан хийх эрх, эрх чөлөөг баталгаатай эдлүүлэхээр Үндсэн хуулиараа олгосон.
Харин төр нь Үндсэн хуулиа ч үл хүндэтгэн, 2010 оноос дэлхийн уур амьсгалын өөрчлөлтөд хамгийн хүчтэй нэрвэгдсэн дэлхийн 10 орны нэгэнд тоологдож яваа Монгол улсаа аврахын оронд Монголын эдийн засгийг хөгжүүлэх нэрээр гадаад, дотоодын хэдхэн компани болон иргэдийн хөрөнгөжих хэрэгсэл болгон, Монголын байгаль орчныг мөхөөх үйлдлийг гааруулж байгаа нь үнэн билээ. Read the rest of this entry »
Ураны аюулд нэрвэгдсэн Монгол малчдад Япон профессор туслана
Posted: 2013/10/03 Filed under: Дорноговь Улаанбадрах, Уран ба АЦС-ын аюул, Хүн ард, эрүүл мэнд | Tags: Арева, Хүний мөс, үнэт зүйлс Leave a comment“Асахи” сонины 2013 оны 10 сарын 2-ны дугаарт нэгэн нийтлэл гарчээ. Осакагийн их сургуулийн Монголч эрдэмтэн Имаока Рёоко ураны аюулд нэрвэгдэж зовсон Улаанбадрахын малчдыг дэмжих санааачилга өрнүүлсэн байна. Профессор Имаока жил бүр Монголд ирдэг, Монголд элэгтэй Япон эрдэмтэн бөгөөд өнгөрсөн зун ирэхдээ Улаанбадрахын малчдад цацраг хэмжигч багаж, зургийн аппарат бэлэглэсэн юм.
“Зовоx цагт нөхрийн чанар танигдана” гэж Монголчууд ярьдаг. Хаа холоос Япон эрдэмтэн хөдөөгийн малчдын эрүүл мэнд, аж амьдралд сэтгэл түгшиж, чадлаараа тусалж байх юм. Гэтэл Монголын эрх баригчдад зовж ядарсан ард иргэдээ гэх нинжин сэтгэл өчүүхэн ч алга. “Малчид өөрсдөө малаа хороосон” гэх билэггүй яриа тарааж, хохирсон иргэдийнхээ зовлонгоор даажигнаж, эгээтэй л “гажигтай төл гарсан нь ч малчдаас болсон” гэх нь холгүй суух ч гэж…
Монголчуудад үргэлж туслахаар шамддаг сайхан сэтгэлт Имаока багшдаа баярлалаа. Та Монгол хүмүүсийн төлөө их буян хийлээ. Эрх баригчид Имаока багшаас үлгэр аваасай.
Сайн үйл бүхэн дэлгэрэх болтугай !
“Асахи” сонин
2013 оны 10 сарын 2
Монголд ураны уурхайн ойролцоо нутагт эрэмдэг мал олширч байна. Малчдад зургийн аппарат илгээж, болсон явдлыг баримтжуулахад нь туслалцаа үзүүлэхийг Осакагийн Их сургуулийн дэд профессор уриалж байна
Монголын өмнө зүгт орших ураны уурхайн ойролцоо мал сүрэг огцом хорогдож, төл мал гажигтай төрөх явдал элбэгшжээ. Гол шалтгаан нь уран олборлоход ашигласан химийн бодисонд голын ус, газрын хөрс хордсонтой холбоотой гэх авч Монголын төр засаг энэ мэдээллийг үгүйсгэсээр байна. Read the rest of this entry »
МЭДЭГДЭЛ
Posted: 2013/10/01 Filed under: Anti Nuclear Movement Facebook, Газар нутаг, Гал Үндэстэн | Tags: Ноцтой Leave a comment
Эх нутаг, газар шороо, байгаль орчноо хамгаалах тэмцэл нь гадаадын хөрөнгө оруулагчид гэж өргөмжлөгдсөн, хэмжээлшгүй их мөнгөтэй харийн уул уурхайн болон цөмийн компаниуд, тэдний гар хөл болсон цэвдэг сэтгэлтэй төрийн эрх мэдэлтнүүдийн эсрэг хүч тэнцвэргүй тулаан юм. Энэ бол эцэг өвгөдөөс уламжилж ирсэн, өсч төрсөн өлгий нутаг, амьдран суугаа уул усаа хайрлаж хамгаалсан жирийн иргэдийн эрүүл, амгалан амьдрахын төлөө хийж буй амь дүйсэн тэмцэл билээ.
Ийм тэмцлийн амин сүнс нь монгол үндэстний язгуур эрх ашиг, олон нийтийн тусын тулд, Монгол Улс, эх орныхоо ирээдүйн сайн сайхны төлөө амь амьдралаа золиослохоос ч буцахгүй гүн бат итгэл үнэмшил байдгийг Гал Үндэстэн Холбооны Ц. Мөнхбаяр болон түүний нөхөд нотлон харуулж чадсан юм.
ГОЛДМАНЫ ШАГНАЛТАН МОНГОЛД ГАДААДЫН УУЛ УУРХАЙН КОМПАНИ РУУ БУУДЖЭЭ
Posted: 2013/10/01 Filed under: Газар нутаг, Гал Үндэстэн, Иргэд , хөдөлгөөнүүд | Tags: Ноцтой 2 CommentsХӨРӨНГӨТНИЙ НИЙГМИЙН ҮНЭН НҮҮР ЦАРАЙ:
ГОЛДМАНЫ ШАГНАЛТАН МОНГОЛД ГАДААДЫН УУЛ УУРХАЙН КОМПАНИ РУУ БУУДЖЭЭ
Өрнөдийнхний ов заль буюу нүүдэлчид мөхөж буй нь
Дэлгэрэнгүйг энд дарж уншина уу?
Алтанхуягийн засгийн газар ба Улаанбадрахчууд
Posted: 2013/08/11 Filed under: Дорноговь Улаанбадрах, Уран ба АЦС-ын аюул | Tags: Арева, Ноцтой 2 CommentsДорноговь аймгийн Улаанбадрах суманд сүүлийн жилүүдэд төл мал олноороо үхэж, гажигтай төл гарсан бол одоо малчдын эрүүл мэндийн талаар санаа зовоох асуудлууд яригдаж эхэллээ. Үүний дотор нүд өвдөх, үс халцрах, арьс шархлах, үе мөчөөр өвдөх зэргээс гадна хүмүүс ханиаж, элэгний шинжилгээ нь муу гарсаар байна.
Улаанбадрах сумын иргэд энэхүү гамшгийг Кожеговь компанийн ураны хайгуулийн ба 2010 оны сүүлчээр хийсэн туршилтын олборлолтын уршиг гэж үзэж байна. Харин Монголын засгийн газар, Цөмийн энергийн газраас асуудлын учир шалтгааныг жил шахуу хугацаа өнгөрч байхад тогтоож чадаагүй ч ураны хор нөлөө байхгүй гэсэн үндэслэлээр Кожеговь компанийн үйл ажиллагааг зогсоохгүй гэдгээ мэдэгдэж байна.
Цөмийн энергийн газрын дэд дарга Ц.Дамдинсүрэн
Улаанбадрах сумынхан Ураны эсрэг тэмцлээ шийдвэртэй үргэлжлүүлж байна.
Posted: 2013/08/01 Filed under: Дорноговь Улаанбадрах, Уран ба АЦС-ын аюул | Tags: Арева, Эрүүл мэнд 5 Comments2013-7-31. Улаанбадрахаас мэдээлж байна.
Улаанбадрах сумын малчид “Кожеговь” компанийн болон аймгийн удирдлага, Цөмийн энергийн газрын төлөөлөлтэй уулзалт хийж Уран олборлолтыг эсэргүүцэж байгаагаа илэрхийлэв.
Хурлын танхим
Малчид хуралдаа өргөнөөр оролцлоо.
Хурлын заалны суудал хүрэлцэхгүй байв.
Аймгийн дарга Ганхуяг, ЦЭГ Дамдинсүрэн, “Арева Монгол” компанийн гүйцэтгэх захирал Тьери Плайзэн
- Дорноговь аймгийн Засаг дарга Ганхуяг “би зогсоох эрхгүй” гэж зөрүүдлэсэн боловч малчдын шаардлагаар “дээш нь танилцуулъя” гэв.
- Цөмийн энергийн газраас “Кожеговь компанийн үйл ажиллагааг зогсоох үндэслэл байхгүй”гэв.
- “ Арева Монгол” компанийн гүйцэтгэх захирал Тьери Плайзэн: “Бид цаашдаа үйл ажиллагаагаа үргэлжүүлэх болно, Монголын Засгийн газар бидэнд энэ эрхийг олгосон. Бид Монголын хууль дүрмийн дагуу үйл ажиллагаагаа явуулж байгаа”
- Үүнийг Улаанбадрахын малчид Зүүнбаянгийнхантай хамтарч газар дээр нь эсэргүүцнэ гэж шийдэв.
Төр, Засаг маань Ард түмний төлөөлөл биш болсоноо нотолсоор байгаа тул Үндэсний язгуур эрх ашиг, эх орон газар шороогоо аврах зорилгоор 50-аас дээш настны гишүүнчлэлтэй “ҮХЭХЭЭС АЙХГҮЙ ӨВГӨДИЙН ХОЛБОО” -г байгуулжээ.
Голомт ЦЭХ
—————————————————————————————————————————–
Холбоотой мэдээ:
- АРАВТ Д.Гантөр: “Ардчилал чинь аргачилал болоод байгаа юм биш үү...”
- Өнөөдрийн ЯЛАЛТ сонин: УЛААНБАДРАХЫНХАН КОЖЕГОВИЙГ НУТГААСАА ГАРАХЫГ ШААРДЛАА
Наото Кан: Хамгийн найдвартай АЦС бол АЦС огт барихгүй байхыг хэлнэ.
Posted: 2013/07/27 Filed under: Атомын цахилгаан станц, Видео, Цөмийн хаягдал, цөмийн аюул | Tags: Бодууштай, Фукушима Дайичи АЦС 4 CommentsФукушимад атомын цахилгаан станц (АЦС) осолдож, Монголд улсад цөмийн хаягдал булшлах тухай шуугиан гарснаас хойш даруй 2 жил өнгөрчээ. Анхландаа дуугаа хураан нурмайж байсан цөмийн бизнесчид сүүлийн үед дуу нь чангарч, хэвлэлээр АЦС-ын гайхамшгийг шагшин магтаж, Монголчуудыг үхлийн эргүүлэг рүү татаж оруулахаар чармайлдах болжээ. Асар их мөнгөтэй цөмийн салбарын амин асуудал нь сая жилийн туршид үхлийн цацрагаар шарах цөмийн хаягдлын асуудал. Монголчууд бид уран олборлож, АЦС барьснаар хүний өөрийн гэлтгүй цөмийн хаягдлын агуулах болж хувирах аюултай гэдгийг Голомт -Цөмийн Эсрэг Хөдөлгөөнийхэн (AHM) анхааруулж бичсээр, баримтаар нотолсоор ирснийг голомт.орг дээрээс дэлгэрэнгүй уншиж болно. Өнөөдөр та бүхэнд Фукушимагийн цөмийн ослын үед Японы Ерөнхий Сайд байсан Наото Каны 2013 оны 3 сарын 11-нд хэлсэн үгийг хүргэж байна. Тэрбээр “хамгийн найдвартай хамгийн найдвартай атомын цахилгаан станц бол огтooc атомын цахилгаан станц барихгүй байх явдал “гэж дүгнэсэн нь эрхбиш нэгийг бодогдуулах буй заа.
Хүндэтгэсэн,
Амарлин
Хелен Калдикоттын Сангаас үзүүлж байна
Эмч нар Нийгмийн Хариуцлагын төлөө ТББ-тай хамтран бүтээв
2013 оны 3 сарын 11
Фукушимагийн цөмийн гамшгийн тухай Ерөнхий сайдын дурсамжаас
Төлөөлөгчдийн Тэнхимийн гишүүн, Япон улсын Ерөнхий сайд асан Наото Кан
Та бүхэнд энэ өдрийн мэндийг хүргэе. Намайг Наото Кан гэдэг. 2011 онд Фукушимагийн гамшиг тохиолдоход би Япон улсын Ерөнхий сайдаар ажиллаж байсан. Надад Хелен Калдикотын Сангаас зохион байгуулж буй симпозиумын урилга ирүүлсэн боловч харамсалтай нь би тус хуралд өөрийн биеэр оролцох боломжгүй боллоо. Оронд нь би ослын үеийн үйл явдлыг дурсан өгүүлсэн видео бэлдсэнээ та нарт илгээж байна. Read the rest of this entry »
Улаанбадрахад хорогдсон мал хөхөө өвлөөр илжирсэн нь учиртай юу?
Posted: 2013/07/10 Filed under: Дорноговь Улаанбадрах, Уран ба АЦС-ын аюул | Tags: Арева, Ноцтой 4 CommentsДорноговийн Улаанбадрах суманд мал сүрэг олноор хорогдож, үхсэн мал нь өвлийн хүйтэнд илжирч, бас Улаанбадрах сумынхан хүүхэд шуухадгүй хөхүүлж ханиадаг эдгэрдэггүй өвчин тусаад олон сарын нүүр үзлээ. Ерөнхий сайд, Ерөнхийлөгчид өргөх бичиг бариад ч малчдын зовлонг тоож үзсэн хүн алга. Цөмийн Энергийн Газрынхнаар толгойлуулсан ажлын хэсгийнхэн очиж судлаад “Тайван амгалан байцгаа, уран, цацраг, Аревагаас огт болоогүй, юунаас болсныг гадаадад судалж мэднэ” гээд явснаас хойш малчдын горьдлого тасарсан.
Голомт-Цөмийн Эсрэг Хөдөлгөөнийнхөн Дорноговьд учирсан гамшгийн талаар судалж, харийнхны өмнөөс золиослогдож буй Монгол малчдын тухай мэдээллийг түргэн шуурхай түгээх, цацрагийн чимээгүй аюулын талаар нийтийг сэрэмжлүүлэхээр ажиллаж ирсэн. Түрүүчийн нийтлэлдээ бид чухам ямар учраас малын элэг уушиг харлаж толботдог талаар тайлбарласан. Тэгвэл өвлийн хүйтэнд үхсэн мал үмхийрдэг, нохой шувуу тоож хөнддөггүй, бас хүн ард ханиадагийн учрыг эндээс уншаарай.
Ураныг газрын гүнд уусган олборлох аргын тайлбар
Газрын гүн рүү өрөмдөж гаргасан цооногоор ураны чулуулаг руу хүхрийн хүчил устай хамт шахаад хэдэн сар болгодог. Газрын гүнд хүхрийн хүчил нь ураны задралын 3 дахь элемент болох Ради -тай урвалд орж Радийн сульфат гэдэг нэгдлийг үүсгэнэ. Улмаар уран агуулсан химийн бодистой шавар шавхайгаа газрын гадаргуу дээр соруулан гаргаж ирж ураныг нь салгаж авна. Уран нь уусамтгай тул уусмалдаа үлдэж харин уусдаггүй радийн сульфат үлдэгдэл шаварт тунаж үлддэг. Хүхрийн хүчил шахдагийн гол учир нь хэрэгтэй ураныг хэрэггүй бөгөөд хортой Радигаас салгаж авахад оршдог байна.Тэрхүү үлдэгдэл шаварыг ил цөөрөмд хийж, ууршуулдаг. Цөөрөм хатаж ууршсаны дараа Ради болон түүний задралын элементүүд болох цацраг идэвхит Радон, Полони салхиар тархаж, байгаль орчныг цацрагаар бохирдуулдаг. Ураны задралаар үүсэх Ради, Радон, Полони зэрэг элементүүд нь харьцангуй хурдан задардаг бөгөөд задралын явцдаа уранаасаа илүү маш хүчтэй цацрагаар шардаг ажээ. (Жишээлбэл 1 грамм Ради 1 секундэнд 37 тэр бум удаа задардаг байна. Задрал болгон цацраг ялгаруулна.) Ураны уурхай хаагдсанаас хойш ч гэсэн байгаль орчны цацрагийн бохирдлын асуудал байсаар байх болно.(Эх сурвалж: Prof. Dr. Henning von Philipsborn Universität Regensburg Fakultät für Physik “Radon, Vorfahren und Nachkommen”, хуудас 12 )
)
Дорноговь, Улаанбадрах, Арева
Ураны аюулд нэрвэгдсэн Улаанбадрахын тэмдэглэл
Posted: 2013/06/21 Filed under: Гал Үндэстэн, Дорноговь Улаанбадрах, Уран ба АЦС-ын аюул | Tags: Арева, Ноцтой 9 CommentsДорноговь аймгийн Улаанбадрах суманд ажилласан тэмдэглэл
Францын “Арева” корпорацийн охин компани Кожеговь компаниас ураны хайгуул хийж, туршилтын журмаар ураны шар нунтаг гаргаж буй Дорноговь аймгийн Улаанбадрах суманд “Голомт-ЦЭХ”, “Гал Үндэстэн Xолбоо”, Хохирогчдын эрх ашгийг хамгаалах нийгэмлэг, “Эх oрныхоо аюулгүй байдлын тѳлѳѳ зүтгэе” ТББ-уудын төлөөлөгчид 2013 оны 5 сард очиж ажилласан аян замын тэмдэглэлийг та бүхэнд танилцуулж байна. Биднийг Дорноговь аймагт аялах замын зардал, унаа машин, бензин, хүнс зэргийг авахад зориулан мөнгө хандивласан Анти Нуклеар Мүвмент Фэйсбүкийн бүлгийнхэндээ болон бидний үйлсийг дэмжигчидэд баярлалаа. Улаанбадрахын тухай дэлгэрэнгүй мэдээллийг бидний хөтөлдөг http://golomt.org блогоос сонирхоно уу?
Uranabbau in der Wüste Gobi/Mongolei
Posted: 2013/06/15 Filed under: Дорноговь Улаанбадрах, Цөмийн хаягдал, цөмийн аюул 1 Comment
Дорноговь, Улаанбадрах, Арева
Die französische Firma Areva sucht seit 1998 in der Wüste Gobi das Schwermetall Uran. In der Südosten der Mongolei in der Provinz Dornogovi/Ulaanbadrah hat die Firma Kogegobi (Tochterfirma von Areva) von Dezember 2010 bis Mai 2011 durch ein Testverfahren mit der Laugungsmethode ca. drei Tonnen Uran abgebaut. Bei diesem Verfahren wurde Schwefelsäure benützt. Nach diesem Verfahren ist eine sehr schwierige Situation für mongolische Nomaden aufgetreten. Seit 2 Jahren sterben viele junge Tiere und die Fehlgeburten und Missbildungen bei den neugeborenen Tieren häufen sich. Im Umkreis von 30-40 km von dem Uranabbauort sind alle Nomaden von diesen schrecklichen Ereignissen betroffen. In diesem Frühling meldeten auch die Nomaden, die 70 km von Uranabbauort entfernt sind Tiersterben und Missbildungen Die Nomaden berichten von geboren Kamellen, welche nur ein Auge haben oder Blind geboren wurden. Weitere gemeldete Verstümmlungen sind junge Ziegen ohne Gesichter oder Geborene Ziegen oder Kamele ohne Unterkiefer. Neugeboren Tieren fehlen Glieder komplett oder haben nur zwei Beine. Es wurden auch Tiere mit 6 Beinen oder mit 2 Köpfen oder ohne Fell geboren. In der Regel sterben diese Tiere gleich nach dem Geburt oder 2-3 Tage danach. Augenentzündungen und Augenlinsentrübung der Tiere sind sehr häufig. Die mongolischen Nomaden kannten bisher nicht solche Art des Sterbens oder solche schwere Missbildungen. Read the rest of this entry »
Арева Конго улсад уран олборлолтоо зогсоожээ.
Posted: 2013/06/15 Filed under: Нигер/ Конго-- Африк, Уран ба АЦС-ын аюул | Tags: Арева, Мэдүүштэй, Хариуцлага, шударга ёс 2 Comments
2013-6-11 ATOMIC AFRICA – “Атомын Африк” баримтат киноны нээлт Германы Хэрфорд хотод болов. Энэ киноны нээлтийн үйл ажиллагаанд Ардчилсан Конго улсын Анти-Нуклеар үзэлтэн Голден Мисабико оролцож “Африкт уран олборлолт өвчин үхэл авчирч байна” гэсэн сэдэвтэй илтгэл тавив. Read the rest of this entry »
Амарлин
Голомт 