“Монгол минь хаачив” шүлгийн түүврээс
Posted: 2011/10/12 Filed under: Монголын тухай шүлгүүд 5 CommentsО. Лхагвадорж
МОНГОЛ МИНЬ ХААЧИВ
Утаанд уусан сүүмэлзсэн
Улс монголын нийслэл
Aйдас түгшүүүр дагуулсан
Архичин, тэнүүлчнээр дүүрлээ гэнэ үү
Тааранд чихсэн хог шиг
Tэлчилж бачуурсан их хот
Хүчирхийлэл доромжлолын түгшүүр
Хүний наймаагаар бугшлаа гэнэ үү Read the rest of this entry »
О.Дашбалбар : Монголоо муулж харийнханд бөхөлзөгсдөд!!!
Posted: 2011/03/06 Filed under: Монголын тухай шүлгүүд | Tags: Эх орончид 3 Comments
Түмэн минь мөхөхийг чи үзэхгүй
Үнэн минь алдрахыг чи үзэхгүй
Үлгэр минь дуусахыг чи үзэхгүй
Төрөл минь тасрахыг чи үзэхгүй
Соёмбо минь бүдгэрэхийг чи үзэхгүй
Соёл минь солигдохыг чи үзэхгүй
Онон минь ширгэхийг чи үзэхгүй
Олон минь зовохыг чи үзэхгүй
Хэнтий минь намсахыг чи үзэхгүй
Хэрлэн минь татрахыг чи үзэхгүй
Ц.Бямбажаргал: Эх орон уйлж байна
Posted: 2011/03/06 Filed under: Монголын тухай шүлгүүд | Tags: Эх орончид 1 Comment
Долоон газрын шуналтнууд
Дээл өмссөн тал нутгийн минь
Элгийг нь ухаж эрдэсийг нь цөлмөж байна
Эх орон минь уйлж байна
Доголон нулимстай
Монгол үрсийн ирээдүй
Далайн чанад руу цаас болон урсаж байна
Хар дотортой харалган нүдтэй түшмэдүүдийн
Хахуулийн мөнгөөр худалдагдсан эх орон уйлж байна
О.Дашбалбар
Posted: 2011/03/05 Filed under: Монголын тухай шүлгүүд | Tags: Эх орончид 4 CommentsО.Дашбалбар: Эх орноо бид үр ачдаа хүлээлгэж өгнө
Хайрт аав Ж.Очирбатын гэгээн дурсгалд зориулав.
Өвөг дээдсээсээ бид эх орноо хүлээж авсан,
үр ачдаа хүлээлгэж єгнє!
Туг, Сүлд, Тусгаар тогтнол,
Тулгын гурван чулуу Тулсан голомтоо
Өвөг дээдсээсээ бид хүлээж авсан!
үр ачдаа хүлээлгэж єгнє.
Алтай, Хангай, Говь, Талаа чулуу бүхэнтэй нь,
Өвс ногоо, шорооных нь ширхэг бүхэнтэй,
Алтан нар, мөнгөн сарыг тоолохын аргагүй од мичидтэй нь
Хөвсгөл, Увс, Буйрыг усных нь дусал, загас бүхэнтэй нь
Хөөцөлдөн наадах долгисыг нь хүртэл
Өвөг дээдсээсээ бид хүлээж авсан,
үр ачдаа хүлээлгэж өгнө!