Манай Фэйсбүүкийн хуудас: Anti Nuclear Movement Mongolia golomt.org page
Posted: 2014/06/17 Filed under: Anti Nuclear Movement Facebook, Бидний тухай Leave a comment2011 оны 6 сараас эхлэн үйл ажиллaгаа явуулж ирсэн “Голомт-Цөмийн Эсрэг Хөдөлгөөн” ТББ-аас эрхлэдэг Монгол улсад заналхийлж буй цөмийн аюулын тухай мэдээлэл солилцох хуудас.
URL: https://www.facebook.com/nuclearfreemongolia
Шинэ зууны сүүлчийн Монгол малчин
Posted: 2014/06/16 Filed under: Газар нутаг | Tags: Ноцтой 8 Comments
Монгол орон Монголоороо оршихуйн үндэс нь нүүдэлчин соёл мину,
Монгол хүн Монголоороо үлдэхүйн үндэс нь малчин удам мину!
Хэдхэн сарын ѳмнѳ юмдаа түвдийн малчдын тухай нэгэн нийтлэл уншсан юм. Хятадын засгийн газар түвдийн тэгш сайхан ѳндѳрлѳгийн байгалийн үзэсгэлэнд гэнэт санаа зовнисон юм байх. Дэлхийн тоонот нутагт нэг л ѳдѳр бэлчээрийн даац нь хэтэрсэн гэнэ дээ. Олон мянган жил тэр л газраа, тийм л янзаараа амьдарсаар ирсэн түвд малчдын удам бэлчээр талхлаад хаяж л дээ. Тэгээд яах юу байхав, хѳѳрхий хэдэн малчдыг мал, нутаг хоёроос нь салган, арай л ѳлсѳѳд үхчихээргүй хэд гурван цаасны тэтгэлэг сардаа ѳгѳѳд уулын бэлд хаа ч юм нэгэн хятад тосгонд шилжүүлэн суулгажээ гэж уншсан юм. Нүүдлийн соёлоосоо хагацсан жирийн түвд малчин хэн ч биш болоо биз. Тэр тусмаа хятад сууринд. Хүний олноор шилжин ирж үндэстний цѳѳнхийг нутаг дээр нь уусгах нэгэн арга байхад соёл иргэншлээс нь холдуулж нутаг уснаас нь салган уусгах бас нэгэн арга байдаг ажээ. Одоо яая гэхэв дээ, түвд ч ямар манай Монгол шиг тусгаар тогтносон улс биш. Тэгээд ч бусдын зовлон маньд ямар хамаатай гээд тэгсгээд хоосон санаа алдсан болоод л мартаж орхисон юмсан. Гэтэл түвдийн тэр л гай зовлон бидэнд ч бас хамаатай болох юм гэж хэн мэдлээ. Тодруулбал, газрын тухай хуульд нэмэлт ѳѳрчлѳлт оруулах тѳсѳл гэгчийг УИХ-аар ѳнѳѳ маргаашгүй хэлэлцүүлэхээр зүтгүүлж байгаа юм байна. Миний бие физикч болохоос намч, тѳрч, сэтгүүлч, судлаач биш. Гэхдээ энэхүү тѳсѳл Монголчууд бидэнд ямар гай зовлон авчирч болохыг иргэн хүнийхээ хувьд санаа зовнин тунгаан бодсоноо дор чадан ядан эвлүүлэхийг хичээв.
Буурай үндэстнүүд уран олборлолт, цөмийн хаягдлыг эсэргүүцэж байна
Posted: 2014/06/12 Filed under: Уран ба АЦС-ын аюул Leave a comment
2013 оны 10 сард Монголчууд Францын засгийн газар, Арева корпорацитай гэрээ хэлэлцээр байгуулснаар Монгол улс уранaa олборлож, цаашид шар нунтаг хэлбэрээр экспортлохоор тохиролцоод байна. Уран олборлож баяжуулахдаа нэг хувь ч хүрэхгүй хэсгийг нь шар нунтаг болгон ялгаж АЦС-д ашигладаг бол үлдсэн хэсэг буюу 99,9 хувь нь хог хаягдал болж гэмгүй иргэдийг хордуулдаг.
Дэлхий дахинд уран олборлосон түүхээс үзэхэд хамгийн ядуу буурай, мэдлэг боловсрол тааруу, эрхээ хамгаалах чадвар сул, эсэргүүцэн тэмцэх дуу хоолой нь сул, олон нийтээс тусгаарлагдсан эсвэл бусдын дарамт нөлөөнд амьдардаг ард иргэдийн нутаг дээр уран олборлож иржээ. АНУ-ын Навахо омгийн индианчууд, Канадад Дэнээ омгийн индианчууд, Австралийн аборигенчууд, Өвөрмонголчууд, Намиб, Конго, Танзани, Нигерийн ядуус гээд бодоод үзээрэй. Их гүрнүүд тэдний газар нутаг дээр нь хамгийн хямд, хамгийн аюултай аргаар уран олборлож, нөхөн сэргээлтийг хайш яйшхан хийгээд эсвэл огт хийлгүйгээр хэдэн зуун мянган жилийн настай цацрагт хог хаягдлаа ил задгай хаяж ирсэн.
Саяхны олон улсын мэдээнд Австралийн аборигенууд, Канадын индианчууд хүртэл уран олборлолт, цацраг идэвхит хог хаягдлыг эсэргүүцэн тэмцэж байгаа тухай мэдээ гарчээ. Харин Монголчууд л уран хортойд итгэж ядан, бэртэгчин зангаараа Улаанбадрахынхны зовлонгоор доог тохуу хийж суух гэж… Монголчууд минь, ядаж 84 настай абориген эмээгийн түвшинд сэтгээч дээ…
Э. Амарлин
Тажикистан ба Монгол –ураны уурхайг тойрсон гачлант хувь заяа
Posted: 2014/04/22 Filed under: Цөмийн хаягдал, цөмийн аюул Leave a commentХуучин социалист нийгмийн үед нь Тажикистаны хэд хэдэн нутагт уран олборлож байсан түүхтэй. Харин ЗХУ задран унасны дараа Тажикистан улс нийт 450 сая тонн ураны уурхайн хог хаягдалтай хоцорсноос 54 сая тонн цацраг идэвхит овоолго шороо нь ил задгай үлджээ. НҮБ-ын шинжээчдийн үзэж буйгаар тус улсын нутаг дэвсгэр дээр буй ураны хүдрийн хог хаягдал (тэйлинг) нь зөвхөн Тажикистанд төдийгүй хил залгаа Узбекистан, Казахстан улсуудад заналхийлж байгаа аж.
Тажикистаны хойт хэсэгт Согдын мужид байрладаг Табашар, Дэгмай гэдэг 2 том ураны уурхайнууд нь 180 га талбай эзэлдэг. Социализмын үед 20 мянган оршин суугчтай Табашар хотхоныг (шинэ нэр нь Истиклоп) газрын зураг дээр тэмдэглэдэггүй, нууцалж иржээ. Чухам эндээс олборлосон уранаар Зөвлөлтийн эрдэмтэнд анхны атомын бөмбөгийг бүтээсэн гэдэг. Read the rest of this entry »
ЦЭГ-ынхан АНУ–д доншуулчилж байна. Тэд буруу замаар будаа тээсэн, харин буцахдаа юу авчрах бол?
Posted: 2014/04/16 Filed under: Ичиж амьдаръя, Цөмийн хаягдал, цөмийн аюул, Эрх баригчид 1 Comment2014 оны 4 сарын 15-17-ны өдрүүдэд ЦЭГ-ын дарга Н. Тэгшбаяр цэргүүдийнхээ хамтаар АНУ-ын Техас мужийн Коллеж Стэйшн гэдэг хотхонд айлчилж байна. Н. Тэгшбаярыг дагалдан ЦЭГ-ын Цөмийн технологийн газрын дарга Мавагийн Чадраабал, Цөмийн хяналтын хэлтсийн дарга Баатарын Батгэрэл, ЦЭГ-ын хуулийн ахлах ажилтан Баттулгын Биндэръя болон Ерөнхий Сайдын зөвлөх, кино зохиолч Альений Арман нар явжээ.
Тэд ажлын зорилгоо “цөмийн эрчим хүчийг энхийн зорилгоор ашиглахад хамтран ажиллах тухай АНУ-Монголын харилцан ойлголцлын санамж бичгийн дагуу байгуулагдаж буй цөмийн шинжээчдийн 3 дахь уулзалтанд оролцох” гэж дэгжин нэрлэж буй ч үнэндээ Техас мужийн АЦС-ын үйл ажиллагааг үзэж танилцах юм байна. Read the rest of this entry »
“Цөмийн аюулын эсрэг хамтдаа” сэдэвт эссэ бичлэгийн уралдаан
Posted: 2014/04/10 Filed under: Цөмийн хаягдал, цөмийн аюул 1 Comment
Жил бүрийн 4 сарын 26-ны өдрийг Чернобылийн АЦС-ын гамшиг тохиолдсон өдөр хэмээн дэлхий нийтээрээ дурсдаг. Энэ өдрийг угтан Голомт Цөмийн Эсрэг Хөдөлгөөнөөс “Цөмийн аюулын эсрэг хамтдаа” сэдэвт эссэ бичлэгийн уралдаан зарлаж байна.
Эх орон ирээдүй хойчдоо зовниж, сэтгэлээ чилээж буй ахмад настнууд, үр хүүхдээ эрүүл энх өсгөх хүсэлтэй залуу гэр бүлүүд, соргог мэдрэмжтэй оюутан залуус, өөрийнхөө ойлголт дотоод ертөнцийг дэлгэн харуулах хүсэлтэй сурагчид гээд Монгол улсын бүх иргэдийг эссэ бичлэгийн уралдаанд оролцохыг урьж байна. Уралдаанд ирүүлсэн бүтээлийг байр эзлүүлэн өргөмжлөл, мөнгөн шагналаар шагнана.
Бичлэгийн сэдэв: Уран олборлолт, АЦС, цацрагийн хор хөнөөл
Шагналын сан: 600 мянган төгрөг
Бүтээлд тавигдах шаардлага:
1) Голомт Цөмийн Эсрэг Хөдөлгөөнөөс орчуулсан шинжлэх ухаан, танин мэдэхүйн бүрэн хэмжээний 10 баримтат киног үзээд, тэдгээрээс санаа авч Монгол улсад уран олборлох, атомын цахилгаан станц байгуулж, цөмийн эрчим хүч ашиглах талаар үзэл бодлоо ойлгомжтой, бүтээлч аргаар илэрхийлсэн байх
2) Эссэг компьютер дээр алдаагүй шивсэн байна
3) Холбогдох нэр хаягаа тодорхой бичсэн байна
4) Бүтээлийг зөвхөн электрон шуудангаар хүлээн авна
Бүтээлийг хүлээн авах эцсийн хугацаа : 2014 оны 04 сарын 26
Хүлээн авах хаяг: anm.mongol@gmail.com
Жич: Уралдаанд ирүүлсэн бүтээлийг сонин хэвлэл, мэдээллийн сайтад нийтлэж олны хүртээл болгоно.
Голомт ЦЭХ-өөс орчуулсан кинонуудыг доорхи хаягаар орж үзнэ үү:
http://www.youtube.com/user/TMinjuur/videos
http://www.youtube.com/user/Almas/videos
http://www.youtube.com/user/tenuunmgl/videos
http://www.youtube.com/user/UnenMedleg/videos
http://www.youtube.com/user/migaamogod/videos
Нэмэлт мэдээлэл авах эх сурвалжууд:
https://golomt.org/
http://uranium.blogmn.net/
https://www.facebook.com/nuclearfreemongolia
Галаар наадах “цөмчид”: Цуврал–1
Posted: 2014/03/21 Filed under: Ичиж амьдаръя, Хүн ард, эрүүл мэнд 2 Comments2014 он гарсаар цөмийн технологийг шагшин магтагчид эрс идэвхжиж, “урангүй бол хөгжихгүй, АЦC-гүй бол утаанаас салахгүй” гэсэн сурталчилгаа хичтэй явж байна. Мэдээж ингэхдээ байгаль орчноо хамгаалагчид болон иргэний нийгмийнхнийг “Арева мэтийн цөмийн компаниудыг шантаажилж, мөнгө нэхдэг”, “Орос Хятадын тагнуулууд” хэмээн эрээ цээргүйгээр гүтгэж, ард иргэдийн сэтгэл зүйгээр тоглохоо ч тэд мартсангүй.
Аливаа улс үндэстэн хүнд хэцүү байдалд орж, алдаж онохын дэнсэнд дээр ирэхэд эх оронч иргэд, тэр тусмаа сэхээтнүүдийн үүрэг асар чухал. Монголын эс ширхэг болсон миний бие эх орон нэгт ард иргэдээ цөмийн галд “хуйхлагдахаас” анхааруулан сэрэмжлүүлэлгүй, амиа хичээн нуугдаж сууваас эх орон, эцэг эх, эрдэм мэдлэг, эрхэм нандин итгэл үнэмшлээсээ урваж, тэднийгээ гутаан доромжилсон хэрэг болох буй заа.
Иймд цацрагийн аюулын хор хөнөөлийг илчилсэн богино нийтлэлүүд бэлдэж, http://golomt.org дээр цувралаар хүргэж байхаар шийдлээ. Монгол хүн та үүнийг уншихдаа зөв бурууг мэргэн ухаандаа тунгаагтун.
Хүндэтгэсэн,
Доктор Э. Амарлин
АНУ
**** ***** *****
“Цөмийн технологийг анагаах ухаан, хөдөө аж ахуй, аж үйлдвэрийн салбарууд хэрэглэж байна. Энэ бол шилдэг, урдаа барих технологи, хөгжил дэвшлийн манлай мөн. Тийм учраас бид уранаа ухаж, АЦС барих ёстой” гэсэн утгатай мэдээ, ярилцлага гардаг болоод удаж байна. Харин би Н. Тэгшбаяр болон бусад цөмчдийн логикийг огт ойлгохгүй байгаа юм. Яаж сэтгэхээрээ эмнэлгийн рентген эсвэл томографын аппаратыг АЦС-тай зүйрлүүлдэг юм бол?
АЦС-ын дэргэд тэд чинь хүүхдийн тоглоом шүү дээ. Тэгшбаяр “мотоцикл жолоодож сурсан юм чинь олон улсын нисгэгч болж, Боинг онгоц жолоодмоор байна” гэж мунхаглах шийдчихсэн танхай гарыг санагдуулах юм. Танхай эр мотоцикл унаж яваад осол аваар хийвэл өөрөө л амь нас, эрүүл мэндээрээ хохирно. Харамсалтай, гэхдээ амьдрал үргэлжлэх болно. Харин танхай эрийн уршгаар Монгол улсын 3 сая иргэдийг суулгасан Боинг онгоц осолдвол яах вэ? Read the rest of this entry »
2014 оны 3 сарын 09: Цөмийн циклийг эсэргүүцье! тайван жагсаал
Posted: 2014/03/08 Filed under: Anti Nuclear Movement Facebook, Иргэд , хөдөлгөөнүүд | Tags: Мэдүүштэй 2 Comments
Голомт-Цөмийн Эсрэг Хөдөлгөөн ТББ-аас Фукушимагийн АЦС-ын ослын гурван жилийн ойг тохиолдуулан 3 сарын 9-ний 12 цагаас Сүхбаатарын талбай дээр “Цөмийн циклийг эсэргүүцье!” тайван жагсаал зохион байгуулж байна.
Энх тайванч, Багт жагсаал нь дараах уриатай:
1. Ураны хайгуул болон уурхайн төслүүдийг зогсоо!
2. Монголоос уран экспортлохыг зогсоо!
3. Цөмийн хөтөлбөрийг зогсоо!
Эсэргүүцэл:
1. Бидэнд эрүүл газар шороо, цэвэр ус мөнгөнөөс илүү чухал!
2. Дорноговийн Улаанбадрах, Сүхбаатарын Онгон сумдад уран олборлож буйн улмаас мал сүрэг, байгаль орчныг хордуулж байгааг бид эрс буруушааж байна!
2. Бусдын ашигласан цөмийн хог шаарыг “Монголоос гаралтай ашигласан түлш” гэсэн нэрээр бид буцааж авахгүй!
3. Бид асар их эрсдэлтэй, цэвэр усны өндөр зарцуулалттай атомын цахилгаан станц барьж эх орондоо цөмийн шаар үйлдвэрлэхийг эсэргүүцэж байна!
Уг цуглаан дээр цацрагийн тухай танилцуулга, тараах материал өгөх ба цуглаанд ирсэн хүн бүрд “V for Vendetta” гэсэн маск тарааж өгч жагсана. Мөн xандив цуглуулах арга хэмжээ явагдана.
Жагсаалд оролцохыг хүсэгчид энэ хуудсыг байнга шалгаж, жагсаалын тухай шинэ мэдээ мэдээлэл авч байхыг хүсье!
https://www.facebook.com/events/622573864464867/
https://www.facebook.com/nuclearfreemongolia
Та бүхнийг өөрсдийн үр хүүхэд, хойч үе, эх орныхоо төлөө жагсаалд ирж оролцохыг уриалж байна.
Голомт – Цөмийн эсрэг хөдөлгөөн
Муухай Монгол хүн
Posted: 2014/02/28 Filed under: Иргэд , хөдөлгөөнүүд, Ичиж амьдаръя | Tags: Бодууштай 8 Comments
Өнөөдөр чиний өмнөх аягатай хоолыг биш бусдынхыг булааж байхад чи мэдсэн ч мэдээгүй царайлан тайван айван амьдарч байна уу? Өнөөдөр чиний ах дүү биш, харин Улаанбадрахын малчдын мал сүрэг нь хорогдож, гажигтай төл төрж, эрүүл мэнд нь дордож, толгойтой үс нь халцарч, биеэр нь юм туурч (тэрнийг нь “удамшлын хамуу” гэдэг гэнэ шүү, анагаах ухаанд ч байхгүй цоо шинэ онош!), эцэг өвгөдөөс уламжилж ирсэн нутаг орондоо амьдран суух аргагүй болж харийнханд хөөгдөж туугдан, элдэв тохуурхал доромжлолыг амсч суугаа болохоор чиний ам үдээстэй, чих бөглөөстэй, нүд аниастай байна уу?
Улаанбадрахын дараа Сүхбаатарын Онгон сум, Шилийн Богд, Ховдын Мянгадын Халзанбүргэдэй гээд үргэлжлэнээ. Гэхдээ хэзээ нэг цагт чиний ч ээлж ирж таарна. Тэр цагт харин харамсч уйлаад ч хожимдсон байх вий.
**** **** ****
Муухай Монгол хүний хамгийн адгийн аймшигтай араншингийн хажууд бол соёлгүй бүдүүлэг, залхуу хойрго, сагсуу ойворгон, хор найруулж хов хутгадаг зан юу ч биш. Хамгийн аймшигтай нь нөгөө ГҮНДҮҮГҮЙ Монгол араншин буюу хэнэггүй тоомсоргүй зан. Яг үнэндээ тэр ГҮНДҮҮГҮЙ гэх үгний ард амин хувиа хичээсэн, бэртэгчин, арчаагүй дорой, аймхай хулчгар, хүнийрхүү хөгийн зан нуугдаж байдаг . Үгүй гэж мэлзэх гээд байвал танд дараах баримтыг дурдая л даа. Та эрхбиш нэгийг бодох биз.
УИХ-ын Аюулгүй байдал, гадаад бодлогын хорооны гишүүдэд хүргэх ил захидал
Posted: 2014/02/26 Filed under: Anti Nuclear Movement Facebook, Хүн ард, эрүүл мэнд | Tags: Авилга гэмт хэрэг, Ноцтой Leave a comment
*Хувийг УИХ-ын АБГБ-ын байнгын хорооны даргад гардуулсан.
** Файлаар эндээс татах ((pdf-ийн зураг дээр дарна уу) 
2014-02-19
УИХ-ын гишүүн таны энэ өдрийн амрыг эрье.
Өнгөрсөн оны 10 сард Францын засгийн газар, Арева корпорацитай гэрээ хэлэлцээр байгуулснаар өнөөдөр Монгол улс уранaa олборлож, цаашид шар нунтаг хэлбэрээр экспортлоход ойрхон очлоо. Цөмийн Энергийн Газрынхан болон Аревагийн зардлаар гадаадад аялж, цалин тэтгэлэг авсан ашиг сонирхлын зөрчилтэй хэсэг бүлэг хүмүүс уран олборлож экспорлохыг хөгжлийн тулгуур ганц гарц, Арева бол хөгжингүй орны тэргүүний технологитой компани хэмээн магтан дуулж, хамаг бузар булхайг нь нуун далдалж байна. Чухам унэндээ Арева корпораци олон улсад ямар нэр хүндтэй вэ, бусад орнуудад уран олборлосон түүх нь юу билээ? Урaныг хүхрийн хүчлээр уусгах технологи аюулгүй билүү? Уран олборлолт ашигтай юу, үр дагавар нь юу билээ? зэрэг олон асуултад хариулт өгөх бодитой, үнэн зөв мэдээлэл дутагдаж байна. Read the rest of this entry »
Чонотой нийлсэн нохой
Posted: 2014/02/13 Filed under: Ичиж амьдаръя, Цөмийн хуйвалдаан | Tags: Бодууштай 6 CommentsЭнэ нийтлэлийг бичиж ирүүлсэн журмын нөхөр Л-д талархав.
Э. Амарлин
Богино эргэцүүлэл
***Xашир догь бурхинууд***
2009 онд Цөмийн энергийн тухай хууль батлагдаж Их тэнгэрийн аманд танилцуулж байв.
П.Очирбат босож: “Нөхдөө уран гэдэг Монголынх нэг тусдаа, барууных нэг тусдаа өөр юм гэж байхгүй ээ ! Бид ураныг олборлох нь зүйтэй” гэв. Aлга ташилт нижгэнэж П.Очирбат сандалдаа эргэн суух зуураа “Oдоо би хэнээс ч юунаас ч айхгүй шүү, үгээ хэлнэ” гэхчлэн бувтнана…
Н. Норов: ” Ураны уурхайгаас шавхалт хийсэн ус маань Улаанбаатар хотын крантны уснаас тунгалаг цэвэр байна” гэж мэдэгдэв. Хүмүүс бас л алга ташна.
Ц.Мөнхбаяр нарыг цагаатга!
Posted: 2014/01/29 Filed under: Гал Үндэстэн, Иргэд , хөдөлгөөнүүд | Tags: Ноцтой 2 Comments
2014-01-27
Байгаль орчин, эх орныхоо төлөө тууштай тэмцэж ирсэн Ц.Мөнхбаяр, Г.Болдбаатар, Д.Төмөрбаатар, Ж.Ганболд нарт 21,6 жил буюу маш хатуу хүнд ял оноосон нь хилс, хэлмэгдүүлсэн, нэн харгис үйлдэл боллоо.
Дэлхий даяар танигдсан, байгаль орчныхоо төлөө амь амьдрал бүхнээ хайрлалгүй тэмцэгч Ц.Мөнхбаяр нарын нөхөд Монгол улсын язгуур эрх ашиг, ард иргэдийн амь бие, эд хөрөнгөд 2013 оны 9-р сарын 16-ны тэр нэгэн өдөр ямар ч хохирлыг учруулаагүй билээ. Гэтэл эх оронч үзэл бодол, үйл ажиллагаатай энэ хүмүүст хүний амь насыг бүрэлгэснээс ч илүү хэмжээний, цаазаар авахтай дүйцэх түвшний дээд зэргийн ял оноосон нь зүй бус байна. Read the rest of this entry »
Ц.МӨНХБАЯР ба ТҮҮНИЙ НӨХӨД
Posted: 2014/01/26 Filed under: Газар нутаг | Tags: Бодууштай Leave a comment
2014 оны 1 сарын 25. Ц. Мөнхбаяр болон түүний нөхдийг шударга бусаар шүүж, 21.6 жил ногдуулсныг эсэргүүцсэн уриалгад гарын үсэг цуглуулав. Гал Үндэстэн, хохирогчдын ар гэрийнхэн, иргэд, ТББ-ууд Нарантуул худалдааны төв дээр ажиллаж, өнөөдөр 1000 гаруй иргэдийн гарын үсэг цуглуулжээ.
Нүүдэлчин монголчууд эх болсон байгаль дэлхийтэйгээ хүйн холбоотой. Сүрлэг уулсын бэлийг эмжин урсах, үелэн тогтсон элсэн манхадын хормойд шурган урсах, энгүй талын дов толгодын дундуур сүлжин урсах гол ус гэгч чандмана эрдэнэ. Энэ л их урсацыг даган байгаль дэлхий үзэсгэлэн төгөлдрөө гайхуулж, тэртээ талд адуу мал багшран билчиж, энэхэн хөндийд хүмүүний сэтгэл уужран жаргадаг. Монгол хүнийг морьгүйгээр төсөөлөхгүйн адил, гол усгүйгээр нүүдэлчин амьдралыг ч төсөөлөх аргагүй. Байгаль дэлхийгээ дээдлэн шүтэж, усны тунгалаг, өвсний сорыг дагаж нүүдэллэн амьдардаг байсан монголчууд бид өдгөө байгал дэлхийгээсээ холдож эхэлжээ. Байгал дэлхийгээсээ холдох хэрээрээ зөвхөн нүүдэлчин монголчуудад л байдаг ёс жудаг, зан заншил, хүний эрхэм чанараасаа ч холдож буй мэт. Read the rest of this entry »
Фукушимагийн 1-р АЦС-ыг барьсан инженер “Цөмийн эрчим хүч бол найдваргүй зүйл” гэж Тайваньчуудад анхааруулжээ
Posted: 2014/01/23 Filed under: Атомын цахилгаан станц | Tags: Мэдүүштэй 1 CommentКо Шу Линг
Киодо сонин ба Ассошиэйтид Пресс
2014 оны 1 сарын 16
2013 оны 12 сарын 22. Цөмийн эсрэг тэмцэгчид Токиод болсон эсэргүүцлийн цуглаан дээр. Парламентийн ордны гадна мянга гаруй хүн цугларч цөмийн эрчим хүчнээс татгалзаж, 2011 оны Фукушимагийн гамшгийн дараа хаасан АЦС-уудыг дахин ажиллуулахгүй байхыг шаардаж байна. Жагсагчдын зүүсэн плакат нь “Цөм хэрэггүй”, “АЦС бүү ажиллуул” гэжээ.
(Ассошиэйтид Пресс Агентлагийн зураг)
Тайвань, Тайпей —Фукушимагийн 1-р АЦС-ын 4-р реакторыг барилцсан Япон инженер АЦС нь угийн найдваргүй зүйл гээд Тайвань улсыг цөмийн эрчим хүчнээс татгалзаж, сэргээгдэх эрчим хүч ашиглахыг уриалжээ. Read the rest of this entry »
Амарлин
Голомт 