С.БАЯР МӨРӨӨ БАЛЛАХААР ШАМДАЖ БАЙНА

Ерөнхий Сайд асан С.Баяр АНУ-д 24 тэрбум орчим төгрөгөөр үнэлэгдэх 7 байшин, орон сууц худалдан авсан тухай ноцтой мэдээллийг “Голомт-ЦЭХ” ТББ-аас энэ сард дэлгэж тавьсан. С.Баяр мэдээллийг үгүйсгэж байсан боловч 9125 NE 15th ST, Clyde Hill WA хаягаар орших тансаг хаузаа 4.298 сая доллараар зарахаар үл хөдлөхийн зах зээл дээр гаргажээ. Тэрбээр тус байшинг 2013 оны 1 сард 3.8 сая доллараар залуу эхнэр Эрдэнэбилэгийн Сувдын эзэмшдэг “Небо” ХХК-ний нэр дээр худалдаж авсан билээ. Энэ талаар дэлгэрэнгүйг линкээр орж үзнэ үү: http://www.zillow.com/homes/9125-ne-15-st-clyde-hill-wa_rb/

“Голомт-ЦЭХ” нь АНУ дахь С.Баярын эзэмшлийн тухай тодорхой баримтуудыг цаашид ч нийтэлсээр байх болно. Эдгээр баримтууд нь АНУ-ын төрийн албадын олон нийтэд нээлттэй бүртгэл мэдээлэлд үндэслэсэн бөгөөд давхар 2-3 эх сурвалжаар баталгаажуулсан албан ёсны үнэн зөв баримтууд юм.

BayarОРШИЛ

2014 оны сүүлчээр Ерөнхий сайд асан Санжийн Баяр “2-р Суваг” ТВ-ийн “Цензүргүй Яриа” нэвтрүүлэгт оролцож бүтэн 2 цаг үргэлжилсэн уртаас урт ярилцлага өгчээ. Түүний ярьсан болгонд нь дүн шинжилгээ хийж, уншигчдыг чилээх гэсэнгүй, харин ердөө дөрөвхөн минутын хэсэгт нь анхаарaл хандуулахыг хүссэн юм. С.Баярын ярилцлагын бичвэрийг дор сийрүүлэв:

Сэтгүүлч: Таны Америкийн Нэгдсэн Улсад Манхэттэнд байдаг нэг байрны асуудал интернэтээр гарсан. Бас нэг хаузны гадаа та зүлэг усалж байгаа юм шиг. Тэр таны байшин мөн юм уу? Тэр мэдээлэл үнэн юм уу?
С.Баяр: Нэгдүгээрт зүлэгний тухай ярих уу?
Сэтгүүлч: За тэгье.
С.Баяр: Үгүй тэр чинь ингэсэн юмаа эхлээд. “Баяр Канадад цагаачлав” гэдэг мэдээ 2-3 жилийн өмнө байхаа сайтуудаар цацагдаад нилээн тавигдсан юм. Тэр чинь нэлээн байж байгаад тэгээд тэр зүлэг усалж байгаа зураг чинь өнгөрсөн хавар байна уу даа намар байна уу ноднин хавар байна уу (мэдэн будилав) гарсан юм. Тэгээд би юу хүсч байна вэ гэвэл танай ТВ-д компьютерийн техникийн мэргэжилтнүүд байгаа шд ээ. Тэр улсуудаасаа зүгээр нэг асуучих. Энэ фотошопоор хийсэн эвлүүлэг байна уу яг оригинал зураг байна уу үгүй юу гэж. Би тэрнийг хараад голсон. Яагаад гэвэл ийм… бас л зүгээр нэг хүн хийчихээгүй ш дээ тодорхой захиалга байгаа ш дээ. Захиалагчийгаа хулхидсан зүйл байнаа л гэж би харсан. Яагаад гэвэл фотошопыг янз янзаар хийж болно ш дээ. Жишээлбэл, би зүлэг yсалдаг уу гэвэл усалдаг. Энэ хойно зусландаа бол нэг хэдэн мод бут сөөг суулгачихаад зогсож байдаг байхгүй юу. Сайн фотошоп хийе гэх юм бол тэр зургийг маань аваад гадаадын нэг том эдлэнгийн фонон дээр тавьчиж бас болноо доо. Гэтэл тэр фотошоп дээр байгаа тэр зурган дээр байгаа хүн нь би биш байгаа байхгүй юу. За яахав тэр хойт зуслан дээр очоод миний зургийг авахад хэцүү байлаа гэхэд бол фотошоп хийдэг улсууд мэднэ дээ…Зүлгээ усалж байгаа хүний биен дээр миний толгойг бас эвлүүлчиж болно ш дээ. Тэгэж ч хийгээгүй байгаа юм. Тэгэхээр энэний талаар бол одоо энэнээс илүү юм хэлж мэдэхгүй.
За тэр байр сууцны талаар бол Манхэттэн бишээ. Тэр чинь болвол миний 1993-96 онд ажиллаж байсан Вашингтоны Их Сургуулийн Сиэтлд байгаа байрны тухай тэр зүлэг усалж байгаа юм чинь байгаа байхгүй юу.
Сэтгүүлч: Тийм байна.
С.Баяр: Тэгэхээр бол би асуултанд шулуухан хариулья. Надад өөрийн эзэмшлийн ямар нэгэн байр сууц гадаадад байхгүй. Байх тийм шаардлага ч үгүй. Би Монголдоо амьдарч байгаа, цаашид ч амьдарна. Бодвол эндээ ясаа тавих байлгүй. Ерөнхийдөө байна ш дээ, миний насны, миний намтартай хүн Канад байна уу хаашаа ч байна уу цагаачлах ямар ч шаардлага байхгүй. Тэнд би амьдарна гэж байхгүй. Тэнд насыг элээнэ гэж байхгүй ш дээ. Гадаадад амьдарч байгаа Монголчуудтай би олон учирч байсан. Чи ч учирч байсан байлгүй. Tэгээд би нэг зүйлийг ажигласан. Хүмүүс янз янз байна. Гайгүй амьдарч байгаа хүмүүс ч байна. Гэхдээ 40 хүртлээ тэр гадны орчиндоо уусаад дасаад үндэс сууриа тавьсан бол тэр хүн суурьшиж чаддаг юм байна, үр хүүхдээ сургууль соёлд оруулаад. Бидний насны улсууд бол тэнд цагаачлах байнга амьдрах байтугай удаан хугацаагаар ч байж чадахгүй байгаа байхгүй юу. Энэ бол байр сууцны асуудалдаа ч биш. Ерөөсөө хүн гэдэг бол угтаа нийгмийн амьтан ш дээ. Ерөөсөө л дассан орчиндоо л хаан байж чадна. Дасаагүй орчиндоо бол боол ш дээ. Би жишээлбэл сайн муу хэлэгдлээ ч гэсэн Монголдоо хэний ч таних Санжийн Баяр л байгаа байхгүй юу. Гадаадад очье, хэн ч танихгүй нэг aзи буурал өвгөн л байгаа биз дээ. Энд аягүй том утга учир байгаа байхгүй юу. Тийм учраас тэнд нэгэнт л амьдарч суухгүй бол байр сууцаар ч яадын илүү л ажил байгаа байхгүй юу тэр чинь. Тийм учраас бол.. Энэ зэргийн зүйлүүд хэвлэл мэдээллээр гараад ,би түүнийг хөөцөлдөөд элдэв долоон хариу өгөөд байдаггүй. Нэгэнт асуусан учраас л би хэлж байна.

“Цензургүй Яриа” нэвтрүүлгийн хэсгээс, 2014 оны 12 сар – 1:48:05-1:52:29

***   ****  ***

Сэтгүүлч эмэгтэй Санжийн Баяраас Америкт байдаг хоёр байрныx нь тухай асууж байна. Хариуд нь С.Баяр зориудаар мэдэн будилах, бусдыг хардах, буцаж дайрах (Браво, Баяр, ведь атака— лучшая защита!), эх нутагтаа ясаа тавих хүсэлтэй шударга журамт иргэний дүрд тоглох, азай буурал насаа дурсаж өрөвдүүлэх, сэтгүүлчийг хань татах ( “Чи ч бас учирч л байсан байлгүй”), намтар юугаан сануулах гэх мэт хашир улс төрчийн аргуудыг эр хүний 13 мэхтэй хослуулсан сурамгай тоглолт үзүүлэв. Нөгөө лавшруулан шалгааж, үнэн мөнийг тодруулах ёстой сэтгүүлч маань харин бүр С.Баярын улайм цайм худал ярианд уярaaд, хошуу нэмж, толгой дохиж суух. Хэдхэн хормын дотор  ядмагхан сэтгүүлчийн тархийг мөлчийтөл нь угааж, асуудлыг өөрөөсөө зайлуулж байгаа С. Баярын чадварыг бахадмаар ч юм шиг. Xашир анжгайд маллуулснаа ч ойлгохгүй маадгар царайлах  “шал түүхий” сэтгүүлчийг өрөвдмөөр ч юм шиг.  

Монголын төрийг түшилцэж явсан эрхэм ядарсан иргэдийнхээ хоногийн зүсэм талхны мөнгөнөөс хулгайлж гэр бүл, үр хүүхэдтэйгээ гадаадад тансаглачихаад биднийгээ эргүү тэнэгт тооцон элэг барьж, хуурч байгаа нь гутамшигтай бас жигшүүртэй.

С.Баярт АНУ-д ганцаар тогтохгүй олон байшин бий. С.Баяр АНУ-д тэрбум тэрбумаар үнэлэгдэх харшуудыг бэлэн мөнгөөр худалдаж аваад, дараа нь зарж мөнгөө угаасан. Заримыг нь өнөөг хүртэл эзэмшсээр байгаа гэдгийг нотлох баримтууд олон бий. Тэдгээрээс одоо дэлгэе.

C.БАЯР АНУ-Д САЯ САЯ ДОЛЛАР УГААСАН БАРИМТУУД

2007 ОН
• С. Баярын байшин #1:
Баярын экс эхнэр O.Гэрэлтуяа 2007 онд АНУ-ыг зорьж, Вашингтон мужийн Сиэтл хотын чинээлэг цагаан арьстай aмерикчууд голдуу (83%) амьдардаг Квин Энн дүүрэгт 164 кв.метр талбайтай 3 унтлагaны өрөөтэй цоо шинэ байшинг 635 мянган доллараар худалдаж авчээ. Эзэмшигчээр Орсоогийн Гэрэлтуяа, Баярын Нандин, Баярын Бадамханд нар бүртгэгдэв. 2008 онд тус байшингийн үл хөдлөхийн татварт $4829.78 төлсөн байна. Гэрэлтуяа туc байшинд амьдарч байгаад 2011 оны 11 сард 439 мянган доллараар заржээ. Энэ нь анхлан авсан үнээс 200 мянган доллараар буулгасан гэсэн үг юм. Жирийн Америк иргэдийн хувьд 200 мянгын алдагдал бол дааж давшгүй их өp. Харин мөнгө угаахад энэ мэтийн алдагдал нь хэвийн үзэгдэл юм.
• Худалдаж авсан: 2007-03-28
• Авсан үнэ: $635,000
• Зарсан: 2011-11-04
• Зарсан үнэ: $439,000
• Хаяг: 3020 14th Avenue W #A, Seattle-Queen Anne, WA 98119

• С. Баярын байшин #2:
2007 оны 11 сарын 21-нд буюу С.Баярыг Монгол улсын ерөнхий сайдаар томилохын урьд өдөр Баярын том охин Нандин гэгч 31 настай эмэгтэй Нью-Йоркийн Манхэттэн дүүрэгт орон сууц худалдаж авчээ. Манхэттэний төвд орших Флэтайрон (Flatiron) гэдэг индүү хэлбэртэй эртний чамин барилгын ойролцоох тэнгэрт хадсан үнэтэй тансаг хороололд хэвлэлийн магнат Руперт Мурдок, загвар өмсөгч Жизель Бундхен зэрэг алдартай баячууд, олны танил хүмүүс, урлагийн одод амьдардаг. Тэдний нэг “Виктория Секрет”-ийн супермодель Миранда Керрийн амьдардаг 16 West 19th Street дэх байшинд С. Баярын охин 10-B тоотын студио буюу манай Монголчуудын ойлголтоор 60 кв.метр талбай бүхий 1 өрөө байрыг 895 мянган доллараар худалдан авчээ (үүн дээр татвар, бүртгэлийн хураамж зэргийг нэмээд нийт $911,334 доллар бэлнээр төлсөн). Тус орон сууцны 2008 оны үл хөдлөхийн татвар гэхэд л 16,2 мянган доллар болж байжээ Б. Нандин 2010 оны 5 сараас хойш Манхэттэний тансаг байраа сарын 4,750-4,950 доллараар түрээслүүлж байгаад 2014 оны 5 сарын 5-нд 1,092,500 долларын үнэ хүргэж заржээ.
• Худалдаж авсан: 2007-11-21
• Авсан үнэ: $895,000
• Зарсан: 2014-05-05
• Зарсан үнэ: $1,092,500
• Хаяг: 16 West 19th Street, New York, NY 10023

Түүхийн товч тодруулга
1906 онд Манхэттэнд баригдсан Нью Йоркийн эртний барилгуудын нэг болох Жэйд (Jade) хэмээх энэ барилгыг “Роллинг Стоунз” хамтлагийн дуучин Мик Жаггерийн ганц охин, үнэт эдлэлийн дизайнер Жэйд Жаггерийн нэрээр нэрлэсэн. Албаны зориулалттай ашиглаж байсан энэ байшинг 2006 оны зун дахин засварлаж, 57 орон сууцтай бүхий тансаг зэрэглэлийн барилга болгон хувиргасан байдаг. Тус байрны гал зуух, ариун цэврийн өрөө, хувцасны шүүгээг тасалгааны голд байрлуулax pod хэмээх дизайны өвөрмөц санааг Жэйд Жаггер гаргаж, байшинг олон жижиг сууц болгон хуваажээ. Тус байшинд 24 студио (манайхны ойлголтоор 1 өрөө байр), 14 нэг унтлаганы өрөөтэй байр (Монголоор 2 өрөө байр), 11 нь нэг унтлаганы өрөө + ажлын өрөөтэй байр, 2 унтлаганы өрөөтэй 4 байр болон 3 пентхауз байдаг. Студио байрны эхний үнэ 500 мянган ам. доллараас эхэлдэг бол 3 унтлагaны өрөөтэй пентхаузны үнэ 3.7 сая ам. доллар хүрч байжээ.

2009 ОН – Үйл явдлын өрнөл
• 2009 оны 10 сарын 06-нд Монгол улсын Засгийн газар Оюутолгойн хөрөнгө оруулалтын гэрээг үзэглэв.
• 2009 оны 10 сарын 28-нд С. Баяр Ерөнхий Сайдын ажлаас чөлөөлөгдөж, албан тушаалаа хүлээлгэж өгөв.
• С.Баяр элэгний өвчнөө эмчлүүлэхээр Канадтай хил залгаа оршдог АНУ-ын Вашингтон мужийг зорив.

2010 ОН
• С. Баярын байшин #3:
2010 оны 2 сарын 9-нд Эрдэнэбилэгийн Сувд гэдэг бүcгүй Ч.Давааням, Даваанямын эхнэр C.Шагдардулам нарын хамт 4516 NE 38th Street, Seattle-University District, WA 98105 хаягтай байшинг 1,290 долларaap худалдан авчээ. 372 кв. метр талбайтай 4 унтлагaны өрөөтэй энэ байшинд С.Баяр, Э.Сувд нар амьдарч байв. 2012 оны 12 сарын 26-нд Э.Сувд Вашингтон мужид “Gundel”нэртэй ХХК бүртгүүлэв. 2013 оны 1 сарын 10-нд Э.Сувд, Ч.Давааням, Даваанямын эхнэр C.Шагдардулам нарын эзэмшигчид байшингaa “Gundel” ХХК-д бэлэглэв. 2013 оны 4 сарын 12-нд “Gundel” ХХК байшинг 1,488,000 долларaap заржээ.
Бяцхан нууцыг задлахад үл хөдлөх хөрөнгө худалдаж авахaд эзэмшигчийн нэр уcыг олон нийтэд ил тод мэдээлдэг АНУ-ын ШИЛЭН ДАНСНЫ хууль дүрмээс С. Баяр гуай жаахан жийрхсэн байх. Давааням найз нь ч бас зөвлөө биз. 2012 оны 12 сарын 26-нд Баярын залуу эхнэр Эрдэнэбилэгийн Сувд гэдэг бүсгүй 3 компани шинээp бүртгүүлжээ. “Nebo” (”Небо”), “Voda” (“Вода”),”Gundel” XXK- -ийн мeнeжер нь Эрдэнэбилэгийн Сувд.
АНУ-ын Вашингтон мужид албан ёсны бүртгэлтэй бүх компаниудын мэдээлэл тус мужийн нарийн бичгийн даргын албаны (Office of the Secretary of State) вебсайт дээр байдаг тул http://www.sos.wa.gov/corps/ линкээр орж компанийн нэрийг хайж үзээрэй.
• Худалдаж авсан: 2010-02-09
• Авсан үнэ: $1,290,000
• Зарсан: 2013-04-12
• Зарсан үнэ: $1,488,000
• Хаяг: 4516 NE 38th Street, Seattle-University District, WA 98105

2011 ОН
С. Баярын байшин #4:
2011 оны 1 сарын 10-нд Орсоогийн Гэрэлтуяа бэлгэнд байшин авчээ. Тодруулбал, Чойндон овогтой Давааням гэгч эр ердөө 2.5 жилийн өмнө 1 сая доллараар худалдаж авсан Сиэтл хотын 6539 SW 41st Avenue хаягаар орших 322 кв.метр талбай бүхий 5 унтлаганы өрөөтэй байшинг O.Гэрэлтуяад бэлэглэжээ. O.Гэрэлтуяа 2012 оны 3 сарын 28-нд байшингaa $655,000 доллараар зарсан нь анхлан авсан үнээс даруй 340 мянган доллараар буулгасан гэсэн үг юм. Өөрийн хүч хөдөлмөрөөр олсон эд хөрөнгөнд ингэж үрэлгэн хандах хүн тэр бүр байхгүй… Харин луйварчдад бол алдагдал хамаагүй, мөнгөө амжилттай угаах нь л чухал ажээ.
• Бэлэг авсан: 2011-01-10
• Хэнээс хэнд: Ч. Даваанямаас О. Гэрэлтуяад
• Yнэ: $995,000 –p авсaн байшингaa үнэгүй бэлэглэв
• Зарсан: 2012-03-28
• Зарсан үнэ: $655,000
• Хаяг: 6539 SW 41st Avenue, Seattle, Washington 98136

2013 ОН
С. Баярын байшин #5:
2009 оны 1 сарын 20-нд Чойндонгийн Давааням Сиэтл хотын 1710 N Dexter Avenue #A, Seattle, WA 98109 хаягаар оршдог 101 кв. метр 2 унтлаганы өрөө бүхий орон сууцны байрыг 406 мянган долларaap худалдаж авчээ. Ч. Давааням тус сууцыг 2013 оны 1 сарын 10-нд С.Баярын залуу эхнэр Э.Сувдын бүртгүүлсэн “Вода” компанид бэлэглэжээ. Тус байр нь 2014 оны үнэлгээгээр 492 мянган долларaap үнэлэгдэж байв.
• Бэлэг авсан: 2013-01-10
• Хэнээс хэнд: Ч. Даваанямаас “Вода” ХХК-д
• Yнэ: $406,000 –p авсaн байшингaa үнэгүй бэлэглэв
• 2014 оны үнэлгээ: $492,000
• Хаяг: 1710 N Dexter Avenue #A, Seattle, WA 98109

Цааш нь улам сонирхолтой. Иргэдийн овог нэрийг оруулмагц оршин сууж байсан гэрийн хаяг, утас, нас, ойрын хамаатан садан, гэрлэлтийн, нас барсан болон гэмт хэрэгт холбогдсон байдал зэрэг бүртгэл мэдээллийг олж өгч үйлчилдэг гэдэг spokeo.com сайтаас үзвэл Сиэтл хотын 1710 N Dexter Avenue хаягаар орших байшингийн А тоотод X*** Баяр, Г*** Орсоо нар оршин суудаг гээд, “жинхэнэ нэрийг бүтнээр мэдэхийг хүсвэл төлбөрөө төлөөрэй” гэжээ. Уншигч та хэн болохыг таав уу? 95 цент төлөөд тэдгээр хүмүүсийн бүтэн нэр хаяг, утасны дугаар, бусад мэдээллийг авах боломжтой.

С. Баярын байшин #6:
2013 оны 1 сарын 10-нд Сиэтлийн 9125 Ne 15th St Clyde Hill, WA 98004 хаягаар орших эдлэн $3,853,000-aap зарагджээ. 5 унтлагaны өрөө, 5 ариун цэврийн өрөөтэй, 510 кв. метр талбай бүхий 0.45 акр (0.2 га орчим) эдлэн газартай. 2014 оны татвар нь дангаараа 25 мянган гаруй доллар болжээ. Худалдан авагч нь Э. Сувд менежертэй “Небо” ХХК. Тэнд С.Баяр, Э.Сувд нар оршин сууж байв.
• Худалдаж авсан: 2013-01-10
• Авсан үнэ: $3,8530,000
• Эзэмшигчийн нэр: “NEBO” ХХК
• Зарaxaap зарласан: 2015-03-25
• Зарласан үнэ: $4,298,000
• Хаяг: 9125 Ne 15th St Clyde Hill, WA 98004

Товч тайлбар
Clyde Hill (Клайд Хилл) хот нь Вашингтон мужийн нийслэл Сиэтлээс зүүн зүгт 3-4 км орчимд Беллевью хоттой хил залган оршдог. 2010 оны хүн ам тооллогоор тус хотод 1054 өрх 3108 оршин суугч тоологдосон (Эндээс харахад хот гэдэг нэртэй ч үнэндээ бол манай Улаанбаатарын нэгэн дүүрэг эсвэл хороолол шиг болох нь харагдана–Орч.). Хүн амын 85% нь цагаан арьстан ба 12 % нь ази гаралтай. Клайд Хилл хот нь Вашингтон мужийн хамгийн чинээлэг хот. Өрхийн дундаж орлого 2012 онд жилд 204,206 ам доллар байсан бол Вашингтон мужийн дундаж $57,573, харин АНУ-ын дундаж нь $51,371 байжээ.

С. Баярын байшин #7:
2013 оны 10 сарын 24-нд Баярын том охин Нандин “Dechin” ХХК гэдэг компани байгуулж, Нью Йоркод бүртгүүлжээ. 2013 оны 12 сарын 18-нд Б. Нандин “Dechin” ХХК-ийн нэрээр Нью Йорк хотод 34 Greene Street 2N, New York, NY 10023 хаягаар орших 186 кв. метр орон сууцыг $3,500,000 долларaap худалдаж авчээ. 1915 онд Нью Йоркийн төв Манхэттэнд баригдсан байшин дax 2 унтлагaны өрөө, 2 ариун цэврийн өрөөтэй энэ тансаг орон сууцыг Б. Нандин сарын 15,000 долларaap түрээслүүлж байна. Гэвч үүнийг ашиг олох арга гэж андуурвуузай. Б.Нандин Нью Иорк мужийн Амагансет болон Коннектикут мужийн Грийнвич хотуудад сарын 17-22 мянган доллараар тансаг харш түрээсэлж амьдардаг болоод удаж байна
• Xудалдаж авсан: 2013-12-18
• Авсан үнэ: $3,500,000
• Эзэмшигчийн нэр: “DECHIN” ХХК
• Хаяг: 34 Greene Street 2N, New York, NY 10023

table for article

Эцэст нь хэлэхэд:
С.Баяр АНУ-д байр орон сууц эзэмшдэггүй,  майхан ч байхгүй түүнийг гүтгэсэн гэж ярьж байна. Гэвч энд дурьдсан мэдээлэл нь олон тооны албан ёсны эх сурвалжаар нотлогдcон. Цаашид ч бид АНУ-ын төрийн албадаас авсан шинэ мэдээллийг үргэлжлүүлэн дэлгэх болно.

Ер нь ч тэгээд  Вашингтон мужийн захиргаа, мужийн Татварын алба, Нью Йорк хотын захиргаа, Санхүүгийн хэлтэс, Үл хөдлөхийн бүртгэлийн алба зэрэг Америкийн төрийн албаныхан “хэн ч үл таних нэг муу ази өвгөн”-ийг гүтгэхээp бүртгэл мэдээллээ хуурамчаар үйлдэж, “фотошопдoж” суух завтай байх уу, Баяр aa?

Эдийн засгийн хямралтай энэ цаг үед амьдрахын төлөөх өдөр тутмын хүнд хүчир тэмцэл дунд  өлөн зэлмүүн, сэтгэлийн дарамттай амьдарч байгаа ядарсан ард түмнээсээ зүсэм талхыг нь түрхэх цөцгийтэй нь хулгайлж гэр бүлээрээ тансаглачихаад, нэмж дээрээс нь элэг барьж дээрэлхэх хэрэггүй. Монголчууд бид ядарч зовcoн ч ухаан санаа самуураагүй, үнэн худлыг ялгахтайгаа. “Сколько верёвочке не виться, а конец будет” гэдэг дээ.Үнэнд гүйцэгдэх цаг ирсэн бус уу… 

 

Эх сурвалжууд:

1. “Цензургүй Яриа” нэвтрүүлгийн хэсгээс. С.Баярын ярилцлага. 2014 оны 12 сар. https://www.youtube.com/watch?v=hxMGOuSz-Ps

2. С.Баярын АНУ дахь эзэмшил байшингуудын тухай нотлох баримтууд. https://golomt.files.wordpress.com/2015/04/references1.docx

3. Нотлох баримтуудыг ашиглах тухай видео заавар. https://www.youtube.com/watch?v=EZtkELKyyeQ

4. C.Баяр АНУ-д хичнээн сая доллар угаасан бэ? https://golomt.org/2015/04/08/sbayar/


Advertisements

24 Comments on “С.БАЯР МӨРӨӨ БАЛЛАХААР ШАМДАЖ БАЙНА”

  1. Bayariig haraagch negen says:

    Хогийн новш вээ, энэ их мөнгийг авилгалаар л олно биздээ. Бизнес хийгээд, ажилласан цалингаар хэдэн саяын тансаг байшин байтугай жирийн нэг өрөө байр авах вэ? Бас комент бичихийн тулд мэйл хаягаа нэртэйгээ оруул гэнэ шүү аа?

    • annabelle says:

      Tednii umnuus ichij bna. Olon uls, deed zeregleliin uulzaltand , tom ornii tuluulugchid , uls turchid ed nariig ymar nvdeer hardag bol? Uursuduu, uursuduusuu ichdeg bolov uu? Bid nar ih uruvdultei haragddag bhdaa?

  2. MTC says:

    ATG-iin xiix ajil mash todorxoi l bna sh de. Odoo protokol yildeed l prokuror-t ilgeex l bna daa tednii omnoos byz materialiig ni byrdyylchixsen, baitsaachixsan, notlochixson, xereg booxod belen um bna.

  3. Guest says:

    yamar ch teneg hun uuriin ner deer mungu ugaahgui shde oilgomjtoi. Manaihan zaaval uuriih ni ner deer yum ilervel itgeh geed manguuraad suugaad baihiin

  4. DN says:

    … гунигтай юм … зүгээр л хулгайч нар … Монголын төрд …

  5. tsogt says:

    Hojihgui murtluu casino-d tsagaa unguruudug negen bol ex pr mnstr S.Bayar gedgiig Seattla-n mongolchuud zunduu medne deee

  6. Orgil says:

    Hun terehdee nutsgen terdeg butsagdaa yadag Bol Bayar guai !!!!

  7. bayar@yahoo.com says:

    Uiliin ur gej baidag yum daa, Ard tumnee huurch mehelsen ene baliar yumnuud lam huvragaar ikh yavdag yum bna lee, gehdee l ur huuhduuded ni userdeg l yum daa, hedii hol boltol argalj chadhav dee chaavaas, teneg maluud

  8. uuganaa says:

    МУУ НОВШ…..

  9. zooz says:

    talbain zuun tald city tower bas l Bayariinh gee bizdee

  10. 777 says:

    Ард түмний өмнө гэсгээгдэх ёстой. Энэ нэг л луйварчны жишээ. 25 жилд олигархижсан олон луйварчид байгаа. Тэд бүгд аль нэг, эсвэл хэд хэдэн хөгжингүй оронд ийм маягаар асар их мөнгө угааж байгаа нь мэдээж. Бас өчнөөн тэрбумаар нь энд тэндхийн казино, зочид буудлуудад дандаа төрийн луйварчид л маш олон удаагийн үйлдлээр тушааж байгаа. Энэ болгоныг үе үеийн эрх баригчид, үе үеийн 76 мэдсээр байж хав дарсаар өнөөг хүрсэн. Монгол Төрийн алтан жолоог ийм л амьтас барьж өгөршүүлж б.а. Аймшиггүйгээр үйлдсэн нүглийнхээ төлөөсийг зааавал ч үгүй төлж байж гэтэлгэнэ дээ. Энэ бол ертөнцийн хууль. Монгол түмний маань буян заяа, босоо хийморь түшиж оюун билиг, цог золбоо бадрах нь дамжиггүй, бид хэзээнээсээ түүхийн эгзэгтэй мөчид маш чухаг алхам хийж чаддаг ард түмэн байсан, байсаар ч байх болно. Үндэсний эв эе бат орших болтугай

  11. 777 says:

    Ийм адгийн луйварчин Ард түмний өмнө заавал гэсгээгдэх ёстой. Энэ бол нэг л луйварчны жишээ. 25 жилд олигархижсан олон луйварчид байгаа. Тэд бүгд аль нэг, эсвэл хэд хэдэн хөгжингүй оронд ийм маягаар асар их мөнгө угааж байгаа нь мэдээж. Бас өчнөөн тэрбум тэрбумаар нь энд тэндхийн казино, зочид буудлуудад төрийн луйварчид л маш олон удаагийн үйлдлээр тушааж байгаа. Энэ болгоныг үе үеийн эрх баригчид, үе үеийн 76 мэдсээр байж хав дарсаар өнөөг хүрсэн. Монгол Төрийн алтан жолоог ийм л амьтас барьж өгөршүүлж б.а. Аймшиггүйгээр үйлдсэн нүглийнхээ төлөөсийг зааавал ч үгүй төлж байж гэтэлгэнэ дээ. Энэ бол хэн ч зөрчиж үл чадах ертөнцийн хууль юм. Монгол түмний маань буян заяа, босоо хийморь түшиж оюун билиг, цог золбоо бадрах нь дамжиггүй, бид хэзээнээсээ түүхийн эгзэгтэй мөчид маш чухаг алхам хийж чаддаг ард түмэн байсан, байсаар ч байх болно. Үндэсний эв эе бат орших болтугай

  12. Amraa says:

    Welcome C.Bayar, his family, & friends to “American Fraud, Greed”, Welcome to “Hell”! Good luck!

  13. azkhuu says:

    Монгол улсын иргэн
    Танай хамт олонд баяр хүргье..
    Монголоо гэсэн сэтгэлээр ажиллаж байгаад баяртай байна.
    Нүгэл нүдээрээ гэж Монголоо зарж идэж яваа олон хүний нүүрийг ялж түлээрэй.

  14. 777 says:

    Хөгшин залуугүй уугаад л
    Хөдөө гадаагүй суугаад л
    Зон олон минь нэг л
    Зовсон шинжтэй байх юм /Р.Чойном/

    Төр хүчгүй болжээ. Эрх баригчид эхнээсээ хэн болох нь тодорч эхлэв. С.Баярын хамтрагч нь Баярцогт, Зоригт, Алтанхуяг, Х.Баттулга гээд л жагсана шүү дээ. Зоригт нь сураг ажиггүй. Энэ бузар үйлдлүүдийг 25 жил дэх үе үеийн эрх баригчид, үе үеийн 76 этгээдүүд мэдэхийн дээдээр мэдэж, нууцалж дарж өнөөдрийг хүрснийг хүн бүр мэддэг ярьдаг боллоо. Ц.Нямдорж хүртэл намынхандаа “Та нар дотор дээлээ нөмрөөд хойшоо очих хүн зөндөө бий шүү” гэж хэлж байсныг мартсан хүн байхгүй л байх. Дэвжиж дээшлье гэвэл дэглэм журам хэрэгтэй гэдэг онч мэргэн үг байдаг. Улс байвал Төр байна, Төр байвал хууль цааз байна, хууль цааз байхад дэглэм журам байна, дэглэм журам байхад дэвшил хөгжил байна. Энэ бол түүхээр батлагдсан үнэн. Нийгэмд ямар их бухимдал хорсол үүсч зангирч байгааг харсаар суугаа эрх баригчид гадаадад амьдарчих боломжтой болохоор ингэж үл ойшоогоод байна уу яаж ч чадахгүй шантаажид орсон болохоор ингэж үл мэдэгч болж жүжиглээд байна уу. “Муу нэрийг хусавч үл арилна” “Овоо босгоогүй бол шаазгай хаанаас суух вэ” гэдэг юм даа. Өндөр лүү авирах тусам чанга л унана, ер нь их өндрөөс унасан хүн “Амь авраарай” гэж хашгирч амждагч газардангуут няц үсэрч нам болдог, намханаас унасан хүн тэгж хашгирч амжихгүй ч унасан хойноо “туслаарай” гэж хэлээд хэвтэж байдаг юм даа. Ардчилал гэж сайхан нэрээр халхавчилсан өнөөдрийн ийм арга замаар цааш явбал “мөхөл” гэдэг ганц хаалга л өмнө маань байгаа. Эцэст нь турж үхэхдээ тулсан хэдхэн монгол эзгүй цөлд өмсөх ч хувцасгүй үлдэж мэдэх л юм. Муу амлаж байгаа юм огтоос биш, яаж ч эрүүлээр сэтгэж бодсон ийм л хариу гараад байгаа юм

  15. Bayar says:

    Huuy bi zeeleer avsan hurungui zarj uruu tulj bna nadad sohor zoosnii ch ashiggui ashig baihgui shuu ard tumen min itgeereei bayartsogtoo unen bizdee

  16. fdf says:

    Балай хэдэн монголчууд 25 жил хулхидууллаа. Одоо бүр цагаандаа гарсан тэр хулгайч нар. Энэ бол бидний аймхан, хувиа бодсон зан дээр нь хөдөөний буруу зөвийг ялгах чадваргүй сэтгэлгээтэй мангаруудаас болж байна.

  17. Баяр шоронд олсож ухэх естой says:

    Баяр чи муу луйварчин азтай зальтай зартай хулгайч худалч байж болно ….Ард тумэн чиний санаанд цагаан цаас байсан бол одоо угуй чи чиний ах дуу хэдэн хуухэд чинь хамсарсан дээрэмчид болсон …Бид чамайг тэднийг шийтгэж мууг чинь узхийг хусэж байна .

  18. Purevchimeg Freitag says:

    Minii bodlloor Mongoldoo olon ulsad huleen zovshoorohoor todorhoi huuliin shiidver sarlig gargaj gadaadad baigaa Mongoliin horongo mongiig huuli bus esnees ni buzaah ajillagaag yavuulj,sovhon S.Bayriinh ch bish busad olon humuus tuund hamrah buh huniig todorhoi sudalj barimtjuulah ni heregtei. Iim ajilgaand ingej uuriin munhagaar saitaar hortoi buduuleg ugs zazah bish herev meddeg bol zuu yariagaar bish barimt surgaar medeegee zazaj tuuniig todorhoi shatnii humuus zugluulan shalgaj ajil bolgoosoi. Hamgiin chuhal ni Mongoliin tor olon ulsiin huuli erhiin tuvshind taarsan uil ajillagaa hiih heregtei. Gehdee oorsdoo haluun togoond ni zug buzlaad bgaa yum chini hezuuhen l baih baihdaa.Bayriin elchin bolgoson hun?!

  19. Угалз хамарласан “загасны Дулмаа” ээжийгээ байхгүй болгож байгаа , Өөрсдийгөө 40 мянгатын элитийн хүүхдүүд гэж хэлэх дуртай. Нэг их дипломат зантай гэж өөрийгөө дөвийлгөсөн увайгүй амьтан байна шүү чи. баяраа.

  20. batbold says:

    Hulgaich aa hulgailsan alt munguu avsandaa avaad oroo or! Yas chin amrahgvi. Udam chin taivan baihgvi dee.

  21. Jojo says:

    Чи зовдгүй юм аа гэхэд үр хүүхдүүд чинь Монголын ард түмний мөнгөөр цалгиж байгаа учир хамгийн бузар хараалыг иднээ…

  22. BAATKA says:

    MUNDAG HUN SHUU.MONGOLD BAYARTSOGT,BAYAR,ELBEGDORJ NAR SHIG 100N HUN BHAD ULS EHVORON MAANI AVILGACHIDGUI ,SAIHAN HUGJINUU.BATTULGA,ALTANHUYAG,ENHBAYARUUDIIG SAIN SHALGAH HEREGTEI DEE.LUIVARCHDAAS MUNGUU AVTSGAAYA

  23. Bat-Erdene says:

    Баярыг одны нудэн дээр гэр булээр нь цаазалбал таарна, монголчууд ийм юмыг тэбчиж болохгуй ээ


Сэтгэгдэл үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s