Уран олборлолтын тухай “Шap Нунтаг” баримтат кино 2 сарын 19-ний Ням гаригийн 13:10 МҮОНТВ-р гарна

Anti Nuclear Movement Mongolia (ANM) бүлгийнхний орчуулсан “Шap Нунтаг” (“Yellow Cake”) баримтат кино 2 сарын 19-ний Ням гаригийн 13:10  МҮОНТВ-р гарна. Тус кинонд манай гариг дээрх уран олборлолтын түүхийг дэлгэрэнгүй тайлбарлана. Германчууд ураны уурхайгаа ямар учраас хаах болсон, Намибын ураны уурхайчдын амьдрал, Австралийн уугуул иргэдийн газар нутгийг хэрхэн булаан авч, уран олборлох болсон ба тэдний өнөөдрийг хүртэл үргэлжилсээр буй тэмцэл хийгээд ураны уурхайн компаниудын үзэл баримтлал, уран олборлолтын хөнөөлт үр дагавар зэрэг ураны уурхайтай холбоотой бүхий л сэдвийг энэ киноноос сонирхоорой. Дараа долоо хоногт давтана.