Базелийн тунхаг


2010 оны 8-р сарын 26-нд Швейцарийн Базел хотноо “Онгон байгаль ба хордсон иргэд – Уугуул нутгийнхан, тэдний эрүүл мэнд ба ураны уурхай“ сэдэвт бага хурал зохион байгуулагдаж, Канад, АНУ, Энэтхэг, Намиб, Австрали зэрэг уран олборлогч орнуудын элч төлөөлөгчид оролцжээ. Хурлын төлөөлөгчид тус тусын улс орон дахь уран олборлолтын тулгамдсан асуудлуудыг авч хэлэлцээд, эцэст нь Базелийн Тунхаг гэдэг баримт бичиг гаргасан юм. Дэлхий дахинаа уран олборлолтыг хориглохыг уриалсан тус тунхаг бичигт ингэж бичжээ.

urankonferenz1

Оршил үг

Уран олборлож, шар нунтаг үйлдвэрлэх нь хүрээлэн буй байгаль орчин, амьд бие организмд онц хортой төдийгүй хүний эрхийг бүдүүлгээр зөрчиж, энх тайвнаар зэрэгцэн орших, цөмийн зэвсгээс ангижрах дэлхий нийтийн үйлсэд ноцтой саад учруулдаг гэдгийг энд хуран цугларагсад санал нэгтэйгээр баталж байна. Read the rest of this entry »


3-09: Mongolian Anti-Nuclear Activists Will Protest (News in English, German, French & Japanese)


3-11 tv

Ulaanbaatar, Mongolia. The “Golomt”Anti-Nuclear Movement (ANM) will hold a public event on Saturday, March 9, to commemorate the 2nd anniversary of the Fukushima accident. That day anti-nuclear activists in France, Germany, Japan and other world countries will form a human chain to call for the nuclear phase out. The “Golomt” movement activists will demonstrate their solidarity and support for the global anti-nuclear movement and will organize a protest under the slogan “NO! to Nuclear Fuel Cycle.”

Read the rest of this entry »


2013-03-09 “Цөмийн циклийг эсэргүүцье” багт жагсаал


no nuclear
Олон улсад энхийн ба цэргийн зорилгоор цөмийн технологи ашиглахыг таслан зогсоохыг уриалсан “гинжин хэлхээ” үйл ажиллагааг Франц, Канад, Япон, Энэтхэг зэрэг олон оронд нэгэн зэрэг зохион байгуулж байна. Голомт – Цөмийн Эсрэг Хөдөлгөөн (Анти Нуклеар Мүвмент) энэхүү үйл ажиллагаанд Монгол улсыг төлөөлөн оролцож “Цөмийн циклийг эсэргүүцье” энх тайванч багт жагсаалыг дараах уриатайгаар зохион байгуулж байна.

Read the rest of this entry »


ХАТАН ЗОРИГТОНД баяр хүргэе!


Award           Анти Нуклеар Хөдөлгөөний ахмад гишүүн Т. Минжүүр гуайдаа анхны “ХАТАН ЗОРИГТОН” алдрын эзэн болсонд хөдөлгөөнийхөө нийт гишүүдийн өмнөөс чин сэтгэлийн талархал дэвшүүлье!

Эрчим хүчний тэргүүний мэргэжилтэн, тулхтай инженер хүний хувьд Монгол Улсын эрчим хүчний өнөөгийн байдал, хэрэгцээ, хэрэглээ, цаашдын зөв сайн хөгжил, шинэчлэлийн талаар үнэтэй санал, зөвлөмж гарган олон нийт, мэргэжлийн хүрээнийхэнд болон төр засгийн байгууллагад хүргэж, цөмийн хаягдал булшлахын хор холбогдол, цөмийн эрчим хүч, уран олборлолтын уршиг хөнөөлийг илчлэн олон нийтэд үнэн зөв ойлголт өгөхөд өөрийн үнэт цагаа зориулж, эх орон нь эрэлхэг хөвүүд охидоо дуудсан энэ цагт үгээн хэлж, залуусаа уриалан тууштай тэмцэж ирснийг бид мэднэ.
Т.Минжүүр гуай шиг олон олон эр зоригтнууд эх орныхоо сайн сайхан, эрүүл аюулгүй оршихуйн төлөө тэмцэх болтугай. Read the rest of this entry »


Голомт.орг-ын 2012 оны тайлан


WordPress.com-ынхон ГОЛОМТ.ОРГ блогын 2012 оны тайланг бэлдсэнийг сонирхон үзээрэй


Товч:

2012 оны Канны Кино Наадамд нийт 4,329 кино оролцжээ. Харин ГОЛОМТ.ОРГ -д 2012 онд нийт 55 мянган удаа хандсан аж. Хэрэв хандалт бүрийг нэг кинотой зүйрлэвэл тус блог нь 13 Кино Фестивальтай дүйцэхүйц ажээ.

Click here to see the complete report.


“Голомт” сонины анхны дугаар гарлаа


Монгол оронд минь заналхийлж буй цөмийн аюулын тухай олон нийтэд үнэн зөв мэдээлэл хүргэхэд Анти Нуклеар бүлгийнхэн анхаарч ажилласаар ирснийг та бүхэн мэднэ.

Тэгвэл өнөөдөр таны гарт “Голомт” сонины анхны дугаар очиж байна. Mанай бүлгийн гишүүдийн олон хоногийн хөлс хүч шингэсэн, тэдний хандиваар бүтсэн энэ сонинг хөдөө орон нутагт үнэгүй тараах болно.

Та бүхнээс “Голомт” сониныг татаж аваад найз нөхөдтэйгээ хуваалцах, мөн хувилж гаргаад олон нийтэд тараахыг хүсье. Аль нэг мэдээ баримтаас иш татвал манай сонинг дурьдаж туслаарай! 

Xүндэтгэсэн,
Амарлин

Сонинг татаж авахын тулд энэ линк буюу дoорх pdf-ын зураг дээр дарна уу?


Цөмийн тухай 10 асуулт хариулт


1.         Уран олборлох нь нутагт байгальд ямар аюултай вэ?—Байгаль дахь ураны хүдрийн агууламж нь дунджаар 0,2 хувь орчим байдаг гэвэл 1 тонн ураны хүдрийг уусгах аргаар боловсруулахад 2 кг уран, 998 кг хорт шавар ялгарч, бохир нуур үүсгэдэг. Ийм шавран нууранд хүдрийн 85 хувийг эзлэх цацраг идэвхт бодис, хүнцэл зэрэг олон хорт бодис тунадаг. Цацраг идэвхт бодис гүний ус, агаарыг олон мянган жилийн турш хордуулахаас гадна хөрс гулсах, далан нурах үед хальж, орчныг сүйтгэдэг. Казахстаны Актау хотын 150 мянган иргэд яг ийм хатсан шавран нуурын хорт тоосонцорт хордсоор байна.Киргизийн хөндийд уран олборлосны дараа хоцорсон үй олон шавран нуурын үлдэгдэл улс дамнасан сүйрлийн гамшиг дагуулна гэж Нэгдсэн Үндэсний Байгууллагаас (НҮБ) дүгнэжээ. Read the rest of this entry »


Цөмийн тухай цөөн үгээр


Бэлтгэсэн Мигаа Могод 

2030 гэхэд Европын Холбооны дийлэнх атомын цахилгаан станцууд зогсоно

                Глобал Дата (www.dataglobal.com) байгууллагын мэдээгээр ойрын 20 жилд багтан Европын Холбооны улсууд одоо ажиллаж байгаа 150 атомын цахилгаан станцын талаас илүүг нь унтраах ажээ. Нийт унтраах  атомын цахилгаан станцын 69 хувь нь Европын Холбооны реакторууд болж байна. Атомын реакторуудаа хаах болсны гол шалтгаан нь өнгөрсөн жил учирсан Фукушимагийн ослын сургамж, түүнээс үүдсэн улс төрийн хариуцлагын асуудал гэжээ. Герман улс 2021 онд сүүлчийн реактороо унтраах бөгөөд Бельги 2030 онд, Швейцар улс 2034 онд тус тус цөмийн эрчим хүчнээс бүрэн татгалзах юм байна. Read the rest of this entry »


Цөмийн магтyy дууч: О. Чулуунбат


Бичсэн: А. Булган, Амарлин

 Арваад жилийн өмнө Намбар Ваны зарлигаар Тайваньд очиж цөмийн хаягдлын гэрээ хийж явсан гэгддэг О. Чулуунбат өнгөрсөн хавраас хойш цөмийн хаягдлыг магтан дуулсаар ирсэн. Харин долоо хоногийн өмнө нөхөр гэнэтхэн ухаан орж, “би цөмийн хаягдал Монголд булшлах гээгүй, буруу орчуулсан байна“ гэх маягийн мэдээг нийтлүүлжээ (http://www.inet.mn/?vfile=36&vmet_id=53253&vmet_main=71)

Түүнд таарсан хариуг бичгээр болоод бичлэгээр барьсаныг үзэж сонирхоно уу?

http://www.youtube.com/watch?v=EvydnnudgkY

 

 

Таны хүссэний дагуу ярилцлагын ахин сайн харлаа… сонслоо. Орчуулга буруу байна гэж та хэлжээ. Гэтэл үнэндээ та монгол хэлээр ярьж байгаа болохоор орчуулгын хэрэг алга.

Read the rest of this entry »


Японы Засгийн Газар цацрагийн хэмжээг худал мэдээлж байна



Японы эрх баригчид Фукушимагийн ослын хор хөнөөлийн далайц, хэр хэмжээг ард иргэдээсээ нуун далдалсаар ирсэн. Үүний улмаас олон мянган жирийн ард иргэд болон тэдний үр хүүхдийн амь нас, эрүүл мэндэд аюул учирч байна.

Сахилга бат сайтай, хариуцлагатай гэж бидний биширдэг Япончууд хүртэл аминдаа тулахад ард иргэдээ хууран мэхэлж, ашиг хонжоог илүүд үздэг aж. Эрчим хүчний ганц корпорацийн нэг хоногийн цөмийн энергийн борлуулалтын орлого 1,5 тэрбум евро хүрдэг байна..

Тэгвэл хүн чанар, ёс жудгаа хэдийнээ гээсэн Монголын эрх баригчид тэр их мөнгөнөөс хувь хүртээнэ хэмээн амлавал 2.7 сая хүний амь насыг  золиослохгүй гэсэн баталгааг хэн өгөх вэ?

Саяхны нэгэн сонинд гарсан нийтлэлийн Японоос Жоо Минохара орчуулан илгээснийг энд тавилаа. Мөн доорхтой төстэй мэдээллийг дараахь линкээр орж үзнэ үү.
http://fukushima-diary.com/2012/03/a-fukushima-citizen-proved-monitoring-post-was-manipulated/


Баярлалаа, Жоо!

Амарлин

Цацрагийн бохирдлыг хэн цэвэрлэв?

Хэвлэл мэдээллийн хэрэгслээр Фүкүшима мужийн Ийдатэ тосгоны агаар дахь цацраг идэвхт бодисын эзлэх хувь он гарсаар огцом буурсан гэж мэдээлж байгаа. Тэгтлээ буурсан шалтгааныг би энэ жил цас их орсонтой холбон ойлгож байлаа. Read the rest of this entry »


Анти Нуклеар Мүвмент цөмийн эсрэг тэмцэгчийг дэмжиж байна


Фэйсбүкийн Анти Нуклеар Мүвмент бүлгийнхэн УИХ-д нэр дэвшиж буй “Ногоон Загалмай” ТББ-ын тэргүүн, доктор Ш. Пүрэвсүрэнг дэмжиж байна

Төрсөн он: 1957 он

Төгссөн сургууль:
Ломоносовын нэрэмжит Москвагийн Улсын Их сургууль

1982 онд Ломоносовын нэрэмжит Москвагийн Улсын Их сургуулийн  аспирантур, биологийн ухааны доктор

2006 онд Монголын хэвлэлийн хүрээлэнгийн дээд курсыг сэтгүүлч мэргэжлээр тус тус төгссөн.

Мэргэжил: Хөрс судлагч-агрохимич, сэтгүүлч

*  *  *

Анти Нуклеар  Мүвмент бүлэг бол Монгол улсад цөмийн хаягдал булшлах бас үйлдвэрлэн бий болгохын эсрэг үзэлтэй, Монгол үндэстний ариун голомтыг, Монголын жинхэнэ баялаг болох эрүүл хүнийг, эрч хүчтэй хойч үеээ цөмийн осол заналын доор сөхрүүлэхгүй авч үлдэхэд сэтгэл түгшсэн Фэйсбүкээр нэгдсэн эх орончдын хөдөлгөөн.

Бид цөмийн салбарынхны жинхэнэ нүүр царайг илчилж, уран олборлолт, АЦС-ын олон зуун мянган жил үргэлжлэх хор хөнөөлийн талаар олон нийтэд таниулaх үйл ажиллагаа явуулдаг.  Бид аль нэгэн нам, улс төрч, улс төрийн хүчнээс хараат бус, бас аль ч улс төрийн нам хөдөлгөөнийг дэмждэггүй.

Харин Пүрэвсүрэн гуай бол байгаль орчны асуудлаар олон жилийн туршид цуцалтгүй тэмцэж, уул уурхай, алт олборлолт, мөнгөн ус, Хонгорын хордлого, АЦС болон уран олборлолт зэрэг асуудлаар саяхнаас ч биш харин арваад жил тасралтгүй ярьж бичсээр, олон нийтийг сэрэмжлүүлсээр ирсэн  эрдэмтэн, эгэл жирийн иргэн . Үүнийг нь ч бид сайн мэддэг  тул манай Анти Нуклеар Хөдөлгөөнийхөн Ш. Пүрэвсүрэн гуайг хүндэлж, бахархсаар ирсэн.

Өнөөдөр Монголчууд бидэнд алт, уранаас илүү мөнгөн ус, цацрагийн аюулгүй эрүүл орчин, цэвэр ус, агаар, хөрс гэдэг чухал болоод байна. Бид уурхай бүр, зам гүүр болгон хөгжил цэцэглэлт рүү биднийг гулдачин чирч, хүн нэг бүрд оногдох компьютер, ДНБ-ээр хөгжил ирдэг гэсэн итгэл үнэмшилд ард нь асуултын тэмдэг тавимаар байна. Алтай хангайн уулсад шивээлсэн ан гөрөө, говь хээрийн толгодоор сүрэглэсэн зээр гөрөөснүүд явдал гүйдэл нь тасарч халх нөмрөгийн улаан номонд орсон эмийн ургамал нефтийн цооногоор бохирдож, хятад тийш зурайх олон замаар огтлогдож, Солонгос газраас ирсэн анжисан доор тахлагдаж байхад, ямар ч хор хөнөөлгүй алт нүүрсийг хүртэл авахдаа бид талыг там болгож тосон Заамарыг тоосон Заамар болгож, их говийг бид шороон туйран болгож байгааг бэлхнээ харж сууна.

Монголчууд бидэнд үй олноор нь сүйрүүлэх, үр удамгүй болгох гамшигт хор хөнөөлөөс хамгаалахын тулд,  өөрсдийн болоод үр хүүхдийнхээ төлөө, эрүүл орчинд амьдрахын тулд зөвхөн үнэн сэтгэлээсээ байгаль орчноо хайрладаг, Монголоо гэсэн эх оронч сэтгэлтэй  төрийн түшээд хэрэгтэй. Тэднийг Ш. Пүрэвсүрэн гуай манлайлах, итгэл хүлээж чадах хүн гэдэгт Анти Нуклеар бүлгийнхэн огтхон ч эргэлзэхгүй байна.

Монгол эх орон, байгаль орчноо хамгаалахад оруулсан Ш. Пүрэвсүрэн гуайн хичээл зүтгэл, цуцашгүй хөдөлмөрөөр бид бахархдаг тул түүнд Анти Нуклеар Мүвментийн хамгийн анхны
хүндэт Өргөмжлөлийг гардуулсан юм.

Пүүжээ ахдаа амжилт хүсье!

P.S. Ш. Пүрэвсүрэн гуайн уран олборлолт, цөмийн аюулын талаар эртнээс бичиж байсан зарим нэг нийтлэлээс энд тавилаа.

Ураны сургамж      2010 оны 11 сарын 22

Чимээгүй хот       2011 оны 4 сарын 20

Академич Чадраа гуай та андуурав уу эсвэл эндүүрээд байна уу?   2011 оны 9 сарын 20

Сийхгүй худалчдын балаг болон Фукушимагийн гашуун сургамж   2012 оны 3 сарын 12


Цацрагийн аюул


Орчуулж бэлтгэсэн Анти Нуклеар Бүлгийн гишүүн Мигаа Могод, Т. Минжүүр нартaa баярлалаа !


АНМ-ын орчуулсан кино ТМ, МOH Үндэсний ТВ, MNC TV- ээр гарч байна.


Анти Нуклеар Мүвмент хөдөлгөөний гишүүдийн орчуулсан кинонууд Монголд олон сувгаар гарч буйг та бүхэндээ толилуулж байна.

  • ТМ сувгаар 2012 оны 5 сарын 5-ны 13:50-аас, 5 сарын 6-ны 19:50 минутаас цацрагийн аюулын тухай сэрэмжлүүлсэн богино хэмжээний (10 минут) баримтат кино гарах болно

 

  • MNC TV сувгаар 5 сарын 3-нд 22:00 цагаас “Шар Hyнтаг” , 5 сарын 4-нд 22:00 цагаас “Уран” кинонууд тус тус гарсан.

  • Өмнө нь Монголын Үндэсний ТВ болон МNC TV-ээр бидний орчуулсан “Чернобылийн Tулалдаан” кино гарсан

АЦС эх дэлхийг сүйрүүлэх анхны дохио нь Чернобыль болсон


Ш.ПҮРЭВСҮРЭН

Ураны хагас задралын үргэлжлэх хугацаа  4.5 тэрбум жил тул эх дэлхий маань сөнөсөн хойно л энэ гал бүрмөсөн унтарна гэсэн үг.
 
Одоогоос яг 26 жилийн өмнөх энэ өдөр Украин Белорусын хи­лийн зааг дээр орших Припять хэмээх жижиг хотод атомын ца­хилгаан станц дэлбэрч онц аюул­тай цац­рагт идэвхт бодисууд  тэр орчмын газар нутгийг нэлэнхүйд нь хор­дуул­­сан юм. Атомын цахилгаан станцын түүхэнд гарсан энэ гамш­гийн уршгаар 1945 онд Японы Хирошима хотод хаясан атомын бөмбөгөөс даруй 400 дахин их цацрагт бодис хүрээлэн буй ор­чинд тархжээ. Read the rest of this entry »