Мардайгаар сонин юу вэ?


Анти Нуклеар бүлгийн гишүүд 2012 оны 5 сард Арева корпорацийн уран олборлож буй Дорноговийн Улаанбадрах суманд ТВ-9 телевизийн багийнхны хамтаар очсон билээ. Харин 8 сард  Дорнодын Баяндун, Сэргэлэн, Дашбалбар сумдаар зочлохдоо Мардайн байдалтай газар дээр нь танилцаж, байгалийн цацрагжилтийн хэмжилт хийлээ.

Ураны тэйлинг (uranium tailings)


Задгай овоолсон цацрагтай хаягдал

Тухайлбал, Мардайн ураны уурхайн хаягдал шороо чулуу буюу ураны тэйлинг ил задгай орхисон нь өнөөг хүртэл хорт цацраг ялгаруулсаар буйг  бид цацраг хэмжигчээрээ тодорхойллоо. Read the rest of this entry »


Лувсанжамбаагийн Мөнхтөр: Монгол нутаг, газар шорооны төлөө зовинол


Өндрүүд овгийн Лувсанжамбаагийн Мөнхтөр

“Монголчууд Америкт” цуврал ярилцлага – 31

Нэг. Намтрын товчоон

Г.Галбадрах: – Ингэхэд өөрөө аль нутгийн хүн бэ? Өөрийгөө танилцуулна уу?

Л.Мөнхтөр: – Миний унасан газар Завхан аймгийн Алдархаан сум, угаасан ус минь Яруугийн гол. Төрсөн нутагаа нар зөв тойрон танилцуулъя. Сумын төвийн баруунтай Хөх хошуу, Цахирын буурал уулс, хойхонтой нь Хэц, Оргиу, баруун хойхно Ямаат, Шонт гээд аргаль, янгир дүүлж, шилүүс, ирвэс шивээлсэн элгэн улаан уулс, зүүн хойхонтой нь Мандаат хайрхан дүнхийгээд, долоон түмэн адуутай Доной баяны хөндий цэлийж байдаг.

Зүүн тийшэлбэл Баруун хайрхан, Зээг, Их, Бага зэст, Бор толгой, Алдар толгой, Морин Туурайн Read the rest of this entry »


Монголыг Фүкүшима болгох гэж үү?


Цөмийн эсрэг үзэлтэй нэгэн Япон хүнээс ирүүлсэн нийтлэлийг хэл найруулгын бага зэрэг  засвартайгаар та бүхэнд толилуулж байна.  Минохара Жоо танд баярлалаа.

Амарлин

Бичсэн Минохара Жоо

Хянан тохиолдуулсан Амарлин

1. Монголд ЦЦС (Цөмийн цахилгаан станц) барих нь

Япончууд Монголд цөмийн цахилгаан станц барихаар төлөвлөж байна. Өнөөг хүртэл цөмийн ослын хорт үр дагаврыг ч бүрэн дүүрэн арилгаж амжаагүй, Фүкүшимагийн дэлбэрсэн ЦЦС-ын цацраг идэвхт бодис дэлхий даяар тархсан хэвээр атал Тошиба, Мицубишигийн аль нэг нь алдаа дутагдалтай цөмийн технологиоо ашиглан Монголд ЦЦС барьж магадгүй болжээ.

Өнгөрөгч 3-р сард Монгол улсын ерөнхий сайд С.Батболд 3-р сарын 11-ний гамшиг тохиолдсон өдрийг тааруулан Япон улсад албан ёсны аялчлал хийсэн билээ. Тэрбээр айлчлалынхаа өмнө хэвлэл мэдээлэлийнхэнд өгсөн ярилцлагадаа “Японы засгийн газартай цөмийн эрчим хүч хөгжүүлэх хамтын ажиллагааны талаар хэлэлцэнэ” гэж ярьсан. Read the rest of this entry »


Цацрагийн аюул


Орчуулж бэлтгэсэн Анти Нуклеар Бүлгийн гишүүн Мигаа Могод, Т. Минжүүр нартaa баярлалаа !


Бүү Март! Бүү Давт! 426 жагсаал


Анти Нуклеар Мүвмент Фэйсбүкийн бүлгээс Чернобылийн АЦС-ын ослын 26 жилийн ойг тохиолдуулан “Бүү Март! Бүү Давт!” жагсаалыг 2012 оны 4 сарын 26-ны 14:00 цагаас зохион байгуулна.

Тус жагсаал нь уран олборлох, АЦС барих, цөмийн циклийг Монголд хэрэгжүүлэхээр төр засгаас шамдаж буй өнөө үед ард иргэдэд цацрагийн аюул, хор хөнөөлийн талаар таниулан сэрэмжлүүлэх, өмнө тохиолдсон эмгэнэлт ослын талаар сануулах зорилготой юм.

Жагсаал УИД-ийн урдах Beatles-ийн хөшөөн дээрээс гараагаа эхэлж   Сүхбаатарын талбай хүртэл алхах болно.

Бид жагсаалаа өвөрмөц, шинэлэг байдлаар зохион байгуулахыг хичээсэн бөгөөд оролцогчдод цөмийн аюулыг сурталчилсан бугуйвч,V for Vendetta маск, стикер тараах болно.

Цөмийн эсрэг тайван жагсаалд идэвхтэй оролцохыг та бүхэнд уриалж байна.

https://www.facebook.com/#!/events/213271018780958/

 
АНМ бүлэг


26 жилийн дараа буюу Чернобылийн шарх анисан уу?


Орчуулсан: Мигаа Могод

Чернобылийн цөмийн ослын нийгэм, эдийн засгийн үр дагавар

Гейгерийн хэмжигч цацрагийн түвшин хэвийн хэмжээнээс 37 дахин өндөр байгааг заасаар атал энэ залуу эмэгтэй Чернобылийн АЦС-ын осолдсон 4-р реакторын бүрхэвчний зургийг авахаар зогсоно. 2010 оны 9 сарын 16. Зургийг: Геня Савилов.

Чернобылийн осол нь Украины нийгэм, эдийн засагт хүчтэй цохилт үзүүлсэн. Нэн ялангуяа xөдөө аж ахуй, аж үйлдвэрлэл, ойн аж ахуй, усны аж ахуй зэрэг эдийн засгийн чухал салбаруудад хүнд туссан. Тухайлбал, ослын дараа цацрагт хордсон бүс нутгуудад хөдөө аж ахуйн олон хамтралын үйл ажиллагаа зогсчээ. Read the rest of this entry »


Анти Нуклеар Мүвментийн сониноос…


Бэлтгэсэн: Азбаяр

Товчхон хоёр мэдээлэл хүргэх гэсэн юм.

4 сарын 22 -ны 18:10.  ТМ сувгаар Аnti Nuclear Movement Mongolia бүлгээс орчуулсан “Чернобылийн тулалдаан” баримтат кино гарна.

4-р сарын 26 өглөөний 10 цаг. Чернобылийн “цөмийн ослын 26 жилийн ой” цөмийн эсрэг тэмдэглэлт өдөр. Энэ өдөр Энх тайвны өргөн чөлөөгөөр “426 Бүү март! Бүү давт!” уриатай цөмийн эсрэг пaрад явна. Улс төрөөс ангид, хойч үе, эрүүл ирээдүйн төлөө Anti Nuclear Movement Mongolia (www.golomt.org) бүлгэм Монголд байнгын энх тайванч, ёс суртахуунлаг, танин мэдэхгүйн үйл хэргийг хөтлөн явуулсаар байгаа билээ.

Та эх орондоо хайртай бол дэмжээрэй!

Хүүхэд бүрт цацрагийн аюулгүй, эрүүл ирээдүй бэлэглэе!

Дэлгэрэнгүй мэдээллийг 
http://www.facebook.com/events/213271018780958/


426: Бүү Март ! Бүү Давт !


2012 оны 4 сарын 26 — Чернобылийн ойн өдөрт зориулав.

Анти Нуклеар Мүвмент  бүлгээс 4 сарын 26-нд Чернобылийн АЦС-ын ослын ойг тохиолдуулан үйл ажиллагаа зохион байгуулахаар төлөвлөж байна.

Бид энэ өдөр АЦС аюултай гэдгийг Монголын ард түмэнд дахин сануулж, цөмийн ослын тухай болон түүнээс үүдэх цацрагийн хор хөнөөлийг олон нийтэд таниулах зорилготой арга хэмжээ зохион байгуулах болно.

Та бүхнийг бидний үйл ажиллагааг дэмжиж, хандив өгөхийг уриалж байна.

Хүүхэд бүрт цацрагийн аюулгүй, эрүүл ирээдүй бэлэглэе!

Амарлин amarlin06@gmail.com


2012-03-11: Цөмийн аюулын эсрэг жагсаалын санхүүгийн тайлан


2012 оны 3 сарын 11-нд хийсэн Цөмийн аюулын эсрэг жагсаалын санхүүгийн тайланг сонирхон үзнэ үү.

Анти Нуклеар Мүвмент нь аль нэг нам, улс төрийн хүчин, хувийн пүүс компаниас хараат бус, тэднийг дэмждэггүй, зөвхөн гишүүд дэмжигчдийнхээ тусламжтайгаар үйл ажиллагаагаа явуулдаг эх оронч иргэдийн холбоо юм.

Амарлин

This slideshow requires JavaScript.


АНМ-ын орчуулсан богино хэмжээний кинонууд гарна


Мэдээг бичсэн: Мигаа Могод

4 сарын 7-ны Бямба гаригт 22:30 минутаас Анти Нуклеар Мүвментийнхэн герман хэлнээс орчуулcaн “Цөмийн хаягдал”гэдэг нэртэй богино кинонууд ТМ сувгаар гарна. Давталт 8-ны Hям гаригт 15:50-с.

Цааш нь тараагаарай, баярлалаа.


Цөмийн салбар тойрсон тоглолтууд


Уран олборлолт, цөмийн эрчим хүч, цөмийн хаягдлын тухай сүүлийн үеийн мэдээллийг Анти Нуклеaр Мүвмент (Anti Nuclear Movement of Mongolia) бүлгийнхний давхар хөтлөдөг http://uranium.blogmn.netээс унших боломжтой.

“Цөмийн салбар тойрсон тоглолтууд” хэмээх  сонирхолтой нийтлэлийг  PDF зурган дээр дарж уншинa yy.

Эх сурвалж:

http://uranium.blogmn.net/83652/cumiin-salbar-toirson-togloltuud.-jujig-negdugeer-uzegdel.html


Цөмийн аюулын эсрэг жагсагчдыг засаг дарга бүртгэхээс татгалзаж, цагдаа, тагнуулынхан сүрдүүлэн дарамталжээ


Өчигдөр, 3 сарын 11-нд, Фукушимагийн гамшгийн нэг жилийн ойг тохиолдуулан Фэйсбүкийн Anti Nuclear Movement of Mongolia (Анти Нуклеар Мүвмент) бүлгийн цөмийн аюулыг эсэргүүцэгч залуус Монголд анх удаа багт жагсаал зохион байгууллаа.  Тэд энэ өдрийг гамшигт хохирогсдод хүндэтгэл үзүүлэхийн сацуу  Чернобыль, Фукушимад тохиолдсон цөмийн ослын тухай олон нийтэд дахин сануулж, ийм эмгэнэлт явдал Монгол улсад давтагдах вий хэмээн сэрэмжлүүлэг өгөхөөр цугларчээ. Read the rest of this entry »


2012-03-11 Монгол хүүхэд бүрт цацрагийн аюулгүй, хорт хавдаргүй орчин бэлэглэе! Цөмийн аюулын эсрэг жагсаалын зургаас


This slideshow requires JavaScript.

 

Жагсагчдыг тойроод цагдаа нар байсан.. Эх орныхоо төлөө гэсэн сэтгэлээр энгийн тайван жагсаал хийж байгаа хүмүүсийг хааж, боож, заналхийлсэн… Ийш тийш явж болохгүй, зогсож болохгүй, цуглаж болохгүй, тарцгаа..

Монгол улс ардчилсан орон мөн үү? Ямартаа ч Засгийн газар , эрхэм ерөнхийлөгч маань ЦӨМИЙН ХАЯГДАЛ булшлахаар далдуур санаархсаар буйг батлаж байна.

Жилийн өмнө энэ өдөр Фукушимад гамшиг учирсан…Харин өнөөдөр Ерөнхий сайд Цөмийн аюулыг Монголд нэвтрүүлэхээр Токиод гэрээ хийж суугаа…

 

2012-03-11

NO URANIUM MINING…NO NUCLEAR PLANT…NO NUCLEAR WASTE IN MONGOLIA!

 

Зургаа хуваалцсан сэтгүүлч Ч. Мөнхбаяр гуай, Kenji Panda нарт баярлалаа!


2012-03-11: “V for Vendetta” баг юуг өгүүлнэ вэ?


                                                                Фукушимагийн нэг жилийн ойг тохиолдуулан Фэйсбүкийн Анти Нуклеар Мүвмент бүлгэм  цөмийн эсрэг багтай жагсаал зохион байгуулж байна. 3 сарын 11-нд Сүхбаатарын талбайд хүрэлцэн ирсэн хүмүүст “V for Vendetta” маск тараах юм. Харин энэ баг чухам юуг өгүүлнэ вэ…

Read the rest of this entry »